ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର

ରାଇରଙ୍ଗପୁର/ଗୋରୁମହିହାଣୀ: ମୟୂରଭଂଜ ଜିଲ୍ଲା ଗୋରୁମହିଷାଣୀ ଥାନା ଅଂଚଳରୁ ଜଣେ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି। ମୃତ ଯୁବକ ହେଲେ ଲୁଟୁ ମୁଣ୍ଡା(୪୦)।

ସୂଚନା ଅନୁଯାୟୀ ଗୋରୁମହିହାଣୀ ଥାନା ଅର୍ନ୍ତଗତ ନୂଆଡିହି ଗ୍ରାମର ରାମରାୟ ମୁଣ୍ଡାଙ୍କ ପୁଅ ଲୁଟୁ ମୁଣ୍ଡାଙ୍କ ଝୁଲନ୍ତା ମୃତଦେହ ଗ୍ରାମନିକଟସ୍ଥ ଏକ ବରଗଛରେ ଝୁଲୁଥିବା ଦେଖି ପୁଲିସକୁ ଖବର ଦେଇଥିଲେ। ପୁଲିସ ଘଟଣାସ୍ଥଳକୁ ପହଂଚି ଶବକୁ ଜବତ କରିବା ପରେ ବ୍ୟବଛେଦ ପାଇଁ ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟକୁ ପଠାଇଛି।

ତେବେ ସେ କାହିଁକି ଆତ୍ମହତ୍ୟା କଲେ ତାହା ଜଣାପଡିନାହିଁ। ଗୋରୁମହିହାଣୀ ପୁଲିସ ଏକ ଅପମୃତ୍ୟୁ ମାମଲା ଋଜୁ କରି ଘଟଣାର ତଦନ୍ତ ଜାରିରଖିଛି।