ଶଗଡ଼ା ନଦୀରୁ ଗଳିତ ଶବ ଉଦ୍ଧାର
ଭବାନୀପାଟଣା: କଳାହାଣ୍ଡି ଜିଲ୍ଲା ଭବାନୀପାଟଣା ସଦରଥାନା କିଆପଦର ନିକଟ ଶଗଡ଼ା ନଦୀରୁ ଏକ ଗଳିତ ଶବ ପୁଲିସ ଉଦ୍ଧାର କରିଛି। ସୂଚନାନୁସାରେ ଶଗଡ଼ା ନଦୀରେ ଏକ ଗଳିତ ଶବ ପାଣିରେ ପଡ଼ିଥିବା ଦେଖି ଲୋକେ ପୁଲିସକୁ ଖବର ଦେଇଥିଲେ। ପୁଲିସ ଖବର ପାଇ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା।
Sambad is now on WhatsApp
Join and get latest news updates delivered to you via WhatsApp
ଗଳିତ ଶବଟି ୧୦ରୁ ୧୫ ଦିନ ହୋଇଥିବା ବେଳେ ଶବଟି ପଚି କଙ୍କାଳ ଦିଶୁଥିବା ଦେଖାଯାଇଛି। ପୁଲିସ ଶବ ଜବତ କରିବା ସହ ବ୍ୟବଚ୍ଛେଦ ପାଇଁ ଭବାନୀପାଟଣା ମୁଖ୍ୟ ଡାକ୍ତରଖାନାକୁ ପଠାଇଥିଲା। ରିପୋର୍ଟ ଲେଖା ହେବା ପର୍ଯ୍ୟନ୍ତ ମୃତବ୍ୟକ୍ତିଙ୍କ ପରିଚୟ ମିଳିପାରିନାହିଁ। ପୁଲିସ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ କରୁଛି।