ରାଜନଗର: ମାନବିକତା ମରିଯାଇଛି । ଗାଁ ଦାଣ୍ଡରେ ମୃତଦେହକୁ ୯ ଘଣ୍ଟା ଧରି ଅଟକାଇ ଦିଆଯାଇଛି । ଗାଁର ଏକ ଗୋଷ୍ଠୀ ରାସ୍ତାକୁ ବ୍ୟକ୍ତିଗତ ଦର୍ଶାଇ ବାଉଁଶ ବାନ୍ଧି ଶବକୁ ଅଟକାଇ ଦେଇଛନ୍ତି । ସବୁଠାରୁ ବଡ଼ କଥା ହେଲା ଯେ, ପୁଲିସ ଓ ମାଜିଷ୍ଟ୍ରେଟକୁ ମଧ୍ୟ ଗାଁ ଲୋକେ ଖାତିର କରି ନାହାନ୍ତି । ଉତ୍ତେଜିତ ଲୋକେ ପୁଲିସକୁ କହିଛନ୍ତି, ଆମ ଜାଗାରେ ଗାଁ ରାସ୍ତା ହୋଇଛି। ରାସ୍ତାରେ ଶବ ଛାଡିବୁ ନାହିଁ କହି ଗଣ୍ଡଗୋଳକାରୀ ଠେଙ୍ଗାବାଡି ଓ ଇଟା, ପଥର ଧରି ପୁଲିସକୁ ପେଲି ଗଣ୍ଡଗୋଳ କରିଛନ୍ତି । କରୋନା ସମୟରେ ବିଭିନ୍ନ ସ୍ଥାନରେ ଅମାନବୀୟ କାର୍ଯ୍ୟର ଚିତ୍ର ଆସୁଥିବା ବେଳେ ରାଜନଗର ଥାନା ଅଂଚଳର ମାନବିକତା ମରିଯାଇଥିବାର ହୃଦୟ ବିଦାରକ ଚିତ୍ର ଆଲୋଡନ ସୃଷ୍ଟି କରିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ କେନ୍ଦ୍ରାପଡ଼ାର ରାଜନଗର ବ୍ଲକ କୁରୁଂଟି ପଂଚାୟତ ଶିରିଗଡ ଗାଁର ସୁକଦେବ ସ୍ୱାଇଁ (୭୦ବର୍ଷ)ଙ୍କର ଆଜି ସକାଳ ୬ଟାରେ ବ୍ରେନଷ୍ଟ୍ରୋକ ଯୋଗୁଁ ମୃତ୍ୟୁ ଘଟିଥିଲା । ଦିନ ପ୍ରାୟ ୯ ଘଟିକା ସମୟରେ ଶବକୁ ପରିବାର ଲୋକେ କୋକେଇରେ ଗାଁ ମଶାଣିକୁ ନେଉଥିଲେ । ପରିବାର ଓ ବନ୍ଧୁ ପରିଜନ ତାଙ୍କ ପ୍ରିୟଜନଙ୍କୁ ହରାଇ ଦୁଃଖରେ ମିୟମ୍ରାଣ ହୋଇ ରାମ ନାମ ସତ୍ୟ ହେ କହି ଶବ ମଶାଣିକୁ ନେଉଥିଲେ । ଘରଠୁଁ ୨ଶହ ମିଟର ଯିବାପରେ ଗାଁ ଦାଣ୍ଡରେ ବାଉଁଶ ବାନ୍ଧି ଶବକୁ ଅଟକାଇ ଦିଆଯାଇଥିଲା । ଗାଁର ଏକ ଗୋଷ୍ଠୀ କହିଥିଲେ, ରାସ୍ତା ଆମର ବ୍ୟକ୍ତିଗତ ଜାଗାରେ ତିଆରି ହୋଇଛି । ଏହି ବାଟ ଦେଇ ଶବ ମଶାଣିକୁ ଯାଇପାରିବ ନାହିଁ। ଏହା କହି ସେମାନେ ଶବକୁ ରାସ୍ତା ଛାଡି ନ ଥିଲେ ।
ଦୀର୍ଘ ବର୍ଷ ହେଲା ଏହା ଗାଁ ରାସ୍ତା ଥିବାବେଳେ ସରକାରଙ୍କ ତରଫରୁ ଅର୍ଥ ଖର୍ଚ୍ଚ କରାଯାଇ ଗାଁ ଦାଣ୍ଡକୁ କଂକ୍ରିଟ କରାଯାଇଛି । ମାତ୍ର ମାନବିକତା ହରାଇଥିବା କିଛି ଲୋକ ଗାଁ ଦାଣ୍ଡରେ ଶବ ଛାଡିନଥିଲେ । ଅନ୍ୟ ଏକ ରାସ୍ତାରେ ଶାସନ, ଚନ୍ଦ୍ରଶିିଖର ଓ ନୋଧାବସନ୍ତ ୩ଟି ଗାଁ ପାରକରି ଶବ ନେବାକୁ ଶବ ଅଟକାଇଥିବା ଲୋକେ କହିଥିଲେ । ନିଜ ଗାଁ ଦାଣ୍ଡରେ ଶବ ଯାଇପାରିବ ନାହିଁ, ପାଖ ୩ଟି ଗାଁ ପାରକରି ଶବ କିପରି ଯିବ, ତାକୁ ନେଇ ବିବାଦ ସୃଷ୍ଟି ହୋଇଥିଲା । ଏ ନେଇ ରାଜନଗର ଥାନାକୁ ଖବର ଦିଆଯାଇଥିଲା । ସାଢେ ଗୋଟାଏ ବେଳେ ପୁଲିସ ଘଟଣା ସ୍ଥଳରେ ପହଁଚିଥିଲା । ମାତ୍ର ଗାଁ ଦାଣ୍ଡରେ ଶବ ଛାଡୁନଥିବା ଲୋକେ ପୁଲିସକୁ ବି ନାଲିଆଖି ଦେଖାଇଥିଲେ ।
ଖବରପାଇ ତହସିଲଦାର ଭୋଳାନାଥ ସେଠୀ, ଆଇଆଇସି ତପନ କୁମାର ନାୟକ ଘଟଣାସ୍ଥଳରେ ପହଁଚିଥିଲେ । ଗାଁ ଦାଣ୍ଡରେ ଶବ ମଶାଣିକୁ ଯିବ ବୋଲି କହିବା ପରେ ଶବ ଅଟକାଇଥିବା ଲୋକେ ପୁଲିସ, ମାଜିଷ୍ଟ୍ରେଟଙ୍କୁ ଠେଲାପେଲା କରି ଗଣ୍ଡଗୋଳ କରିବାକୁ ଆଗେଇ ଆସିଥିଲେ । ଫଳରେ ଦୁଇ ଗୋଷ୍ଠୀ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଥିଲା । ଶବ ଅଟକାଇଥିବା ଲୋକେ ଠେଙ୍ଗା, ବାଡି ଓ ଇଟା, ପଥର ଧରି ଗଣ୍ଡଗୋଳ କରିଥିଲେ । ପୁଲିସ ପହଁଚିବା ପୂର୍ବରୁ ସାଢେ ୪ ଘଂଟା ଶବ ପଡି ରହିଥିବା ବେଳେ ପୁଲିସ ପହଁଚିବା ପରେ ମଧ୍ୟ ୪ ଘଂଟା ଧରି ଶବ ପଡି ରହିଥିଲା । ଗଣ୍ଡଗୋଳକାରୀଙ୍କ ଔଦ୍ଧତ୍ୟ ସାମ୍ନାରେ ପୁଲିସ ଓ ମାଜିଷ୍ଟ୍ରେଟ ଅସହାୟ ହୋଇ ପଡିଥିବା ଦେଖିବାକୁ ମିଳିଥିଲା । ପୁଲିସ ଓ ମାଜିଷ୍ଟ୍ରେଟ ଯେତେ ବୁଝାଇଲେ ମଧ୍ୟ ଗାଁ ରାସ୍ତାରେ ବାଉଁଶ ବାନ୍ଧିଥିବା ଲୋକେ ଶବ ଛାଡିବାକୁ ରାଜି ହୋଇନଥିଲେ ।
ଗାଁରେ ଉତ୍ତେଜନା ବଢୁଥିବା ବେଳେ ଅନ୍ୟପଟେ ଗାଁ ଲୋକ ମାନବିକତା ହରାଇଥିବା ଘଟଣାକୁ ନେଇ ଆଲୋଡନ ସୃଷ୍ଟି ହୋଇଥିଲା । ଏସଡିପିଓ ରଂଜନ କୁମାର ଦେ ଘଟଣାସ୍ଥଳରେ ପହଁଚିବା ପରେ ଉଭୟ ପକ୍ଷର ମୁରବୀ, ସରପଂଚ ଜୁମର କୁମାର ସ୍ୱାଇଁ, ତହସିଲଦାର ଓ ପୁଲିସ ବସି ଆଲୋଚନା କରିଥିଲେ ।