କୁଚିଣ୍ଡା: ସାଇକଲରୁ ପଡ଼ି ଗୁରୁତର ଜଣେ ବ୍ୟକ୍ତିଙ୍କ ମଙ୍ଗଳବାର କୁଚିଣ୍ଡା ଡାକ୍ତରଖାନାରେ ମୃତ୍ୟୁ ଘଟିଛି। ପ୍ରାପ୍ତ ସୂଚନାନୁସାରେ ସୁନ୍ଦରଗଡ଼ ଜିଲ୍ଲା ବଣେଇ ଉପଖଣ୍ଡ ଗୁରୁଣ୍ଡିଆ ଥାନା ସୋଲଗୁଡା ଗ୍ରାମର କଷ୍ଟୁ ମହାକୁଲ ସାଇକେଲରୁ ପଡ଼ିଯାଇ ଗୁରୁତର ଭାବେ ଆହତ ହେବା ସହ ଅଚେତ ହୋଇ ଯାଇଥିଲେ। ଆଜି ସକାଳେ ତାଙ୍କୁ ଚିକିତ୍ସା ପାଇଁ କୁଚିଣ୍ଡା ଉପଖଣ୍ଡ ଡାକ୍ତରଖାନାରେ ଭର୍ତ୍ତି କରାଯାଇଥିଲା।

Advertisment

ମାତ୍ର ସ୍ବାସ୍ଥ୍ୟ ପରୀକ୍ଷା କରି ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏ ନେଇ କୁଚିଣ୍ଡା ଥାନାରେ ଏକ ଅପମୃତ୍ୟୁ ମାମଲା ରୁଜୁ କରାଯିବା ସହ ବ୍ୟବଚ୍ଛେଦ ପରେ ଶବ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି।