ଚଣ୍ଡିଖୋଲ: ହରିଦାସପୁର-ପାରାଦୀପ ରେଳପଥର ନଳିପୁରଠାରେ ଆଜି ଜଣେ ଅଜଣା ଯୁବକଙ୍କ ମୃତଦେହ ପଡ଼ି ରହିଥିବା ଦେଖିବାକୁ ମିଳିଥିଲା। ଖବର ପାଇ ବିଭାଗୀୟ ଅଧିକାରୀ ଘଟଣାସ୍ଥଳକୁ ଆସି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇ ତଦନ୍ତ କରୁଥିବା ଜଣାପଡ଼ିଛି।

Advertisment

ଏହି ଯୁବକ ୩ ହଳ ପୋଷାକ ପିନ୍ଧିଥିବା ବେଳେ ଶବ ନିକଟରେ ଏକ ମୋବାଇଲ ଫୋନ ପଡ଼ିଥିଲା। ଦୁର୍ଘଟଣାଜନିତ କୌଣସି କ୍ଷତ ନଥିବା ଦେଖାଯାଇଛି। ଶବ ବ୍ୟବଚ୍ଛେଦ ରିପୋର୍ଟ ଓ ଆବଶ୍ୟକ ତଦନ୍ତ ପରେ ପ୍ରକୃତ କାରଣ ଜଣାପଡ଼ିବ ବୋଲି ସୂଚନା ଦିଆଯାଇଛି।