ମୁଖ୍ୟମନ୍ତ୍ରୀଙ୍କୁ ହତ୍ୟା ଧମକ ! ହତ୍ୟା ଷଡ଼ଯନ୍ତ୍ର ନେଇ ନବୀନ ନିବାସକୁ ଆସିଲା ବେନାମୀ ଚିଠି; ସୁରକ୍ଷା ନେଇ ତତ୍ପର ହେଲା ପ୍ରଶାସନ
ଭୁବନେଶ୍ବର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ହତ୍ୟା କରିବାକୁ ଷକ୍ଷଯନ୍ତ୍ର କରାଯାଇଛି । ଏ ନେଇ ନବୀନ ନିବାସକୁ ଏକ ବେନାମୀ ଚିଠି ଆସିଛି। ମୁଖ୍ୟମନ୍ତ୍ରୀଙ୍କୁ ହତ୍ୟା କରିବାକୁ ଷଡ଼ଯନ୍ତ୍ର ହେଉଥିବା କଥା ଚିଠିରୁ ଜଣାପଡ଼ିବା ପରେ ରାଜ୍ୟ ପ୍ରଶାସନ ତତ୍ପର ହୋଇଉଠିଛି । ତେବେ ଚିଠିଟି ପ୍ରକୃତରେ କେଉଁଠାରୁ ଆସିଛି, କିଏ ଲେଖିଛି ଓ ଏଥିରେ ଲେଖାଥିବା କଥାର ସତ୍ୟତା ନେଇ ଖୋଳତାଡ଼ ଆରମ୍ଭ ହୋଇଯାଇଛି।
Sambad is now on WhatsApp
Join and get latest news updates delivered to you via WhatsApp
ତେବେ ମୁଖ୍ୟମନ୍ତ୍ରୀଙ୍କୁ ହତ୍ୟା କରିବା ପାଇଁ କିଛି କଣ୍ଟ୍ରାକ୍ଟ କିଲର ସୁପାରୀ ନେଇଥିବା ହାତଲେଖା ଚିଠିରେ ଉଲ୍ଲେଖ ରହିଛି । ଏହି କଣ୍ଟ୍ରାକ୍ଟ କିଲରମାନଙ୍କ ପାଖରେ ଅତ୍ୟାଧୁନିକ ଅସ୍ତ୍ରଶସ୍ତ୍ର ସହ ଏକେ ୪୭ ବନ୍ଧୁକ ମଧ୍ୟ ରହିଛି ସେମାନଙ୍କ ପାଖରେ । ସେମାନେ ବିଭିନ୍ନ ରାଜ୍ୟର ରେଜିଷ୍ଟ୍ରେସନ୍ ଥିବା ଗାଡି ବ୍ୟବହାର କରୁଛନ୍ତି । ଏହିଭଳି ୧୭ଟି ଗାଡିର ନମ୍ବର ମଧ୍ୟ ଚିଠିରେ ଉଲ୍ଲେଖ ରହିଛି ।
ନବୀନ ନିବାସକୁ ଏମିତି ଧମକପୂର୍ଣ୍ଣ ଚିଠି ଆସିବା ପରେ ସତର୍କ ରହିବାକୁ ଗୃହ ବିଭାଗ ପକ୍ଷରୁ ଚେତାବନୀ ଜାରି କରାଯାଇଛି । ପୁଲିସ ଡିଜିି, ଆଇଜି, ଗୁଇନ୍ଦା ନିର୍ଦ୍ଦେଶକ ଓ କମିସନରେଟ ପୁଲିସକୁ ଏ ନେଇ ଆଲର୍ଟ କରାଯାଇଛି । ବେନାମୀ ଚିଠିକୁ ନେଇ ପୂରା ଶାସନକଳ ତତ୍ପର ହୋଇ ଉଠିଛି । ମୁଖ୍ୟମନ୍ତ୍ରୀଙ୍କ ସୁରକ୍ଷା ବ୍ୟବସ୍ଥା ତୁରନ୍ତ କଡାକଡି କରିବାକୁ ନିର୍ଦ୍ଦେଶ ଦିଆଯାଇଛି । ନବୀନ ନିବାସ ଚାରିପଟ, ଲୋକସେବା ଭବନରେ ସୁରକ୍ଷା ବ୍ୟବସ୍ଥା ବଢ଼ାଇବା ସହ ମୁଖ୍ୟମନ୍ତ୍ରୀଙ୍କ ଯାତାୟତ ରାସ୍ତାରେ ସୁରକ୍ଷା ବ୍ୟବସ୍ଥାକୁ କଡାକଡି କରିବାକୁ ନିର୍ଦ୍ଦେଶ ଦିଆଯାଇଛି ।