ଆବଶ୍ୟକ ୧୩.୨୫ ଲକ୍ଷ ଟନ୍ ଆଳୁ, ଉତ୍ପାଦନ ୩.୨୫
ଭୁବନେଶ୍ୱର: ଜାତୀୟ ନମୁନା ସର୍ବେକ୍ଷଣ (ଏନ୍ଏସ୍ଏସ୍)ର ୬୮ତମ ରାଉଣ୍ଡ ଓ ୨୦୨୧ର ପ୍ରସ୍ତାବିତ ଜନସଂଖ୍ୟା ଆଧାରରେ ରାଜ୍ୟରେ ବର୍ଷକୁ ପ୍ରାୟ ୧୩.୨୫ଲକ୍ଷ ମେଟ୍ରିନ୍ ଟନ୍ ଆଳୁ ଓ ୩.୫୫ଲକ୍ଷ ମେଟ୍ରିକ ଟନ୍ ପିଆଜର ଆବଶ୍ୟକତା ରହିଛି। ରାଜ୍ୟରେ ୨୦୨୧-୨୨ ମସିହାରେ ୩.୨୫ଲକ୍ଷ ମେଟ୍ରିକ ଟନ୍ ଆଳୁ, ୩.୬୮ଲକ୍ଷ ମେଟ୍ରିକ ଟନ୍ ପିଆଜ ଓ ୦.୩୯ ଲକ୍ଷ ମେଟ୍ରିକ ଟନ୍ ରସୁଣ ଅମଳ ହୋଇଥିବା ସୂଚନା ଦେଇଛନ୍ତି କୃଷି ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ।
Sambad is now on WhatsApp
Join and get latest news updates delivered to you via WhatsApp
ବିଧାୟକ ସୌମ୍ୟରଂଜନ ପଟ୍ଟନାୟକଙ୍କ ଏକ ପ୍ରଶ୍ନର ଉତ୍ତରରେ ଶ୍ରୀ ସ୍ବାଇଁ କହିଛନ୍ତି ଯେ ଏହି ୩ଟି ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ଓ ମସଲାରେ ରାଜ୍ୟକୁ ଆତ୍ମନିର୍ଭରଶୀଳ କରିବା ପାଇଁ ରାଜ୍ୟ ସରକାର ଆଳୁ, ପନିପରିବା ଓ ମସଲା ଉନ୍ନୟନ ନାମକ ଏକ ଯୋଜନା କାର୍ଯ୍ୟକାରୀ କରିଛନ୍ତି। ରାଜ୍ୟକୁ ଆଳୁ, ପିଆଜ ଓ ରସୁଣରେ ଆତ୍ମନିର୍ଭରଶୀଳ କରିବା ପାଇଁ ରାଜ୍ୟ ସରକାର ଏକ ପଞ୍ଚବାର୍ଷିକ ଯୋଜନା ପ୍ରସ୍ତୁତ କରିଛନ୍ତି। ଏହି ଯୋଜନା ଅନୁଯାୟୀ କୃଷକମାନଙ୍କୁ ଆଳୁ ଓ ପିଆଜ ଚାଷ ପାଇଁ ହେକ୍ଟର ପିଛା ୫୮ହଜାର ଟଙ୍କା, ରସୁଣ ଚାଷ ପାଇଁ ହେକ୍ଟର ପିଛା ୮୨ହଜାର ଟଙ୍କାର ସହାୟତା ରାଜ୍ୟ ସରକାର ଯୋଗାଇ ଦେଉଛନ୍ତି। ଏହାବାଦ୍ ଖରିଫ ଋତୁରେ ଆଳୁ ଓ ପିଆଜ ଚାଷକୁ ବ୍ୟାପକ କରିବା ପାଇଁ ସହାୟତା ଦିଆଯାଉଛି।