ପିପିଲି ଟୋଲ୍ ଗେଟରେ ସିପିଆଇ- ଏମଏଲ୍ ପକ୍ଷରୁ ବିକ୍ଷୋଭ, ସଂପୂର୍ଣ୍ଣ ଦେୟମୁକ୍ତ କରିବାକୁ ଦାବି
ଚାଷୀ ଆନ୍ଦୋଳନକୁ ବି ସମର୍ଥନ
ପିପିଲି: ପୁରୀ ଜିଲ୍ଲାର ପିପିଲି ଟୋଲ୍ ଗେଟରେ ସମସ୍ତ ଗାଡ଼ିକୁ ଟୋଲ୍ ଟିକସ ମୁକ୍ତ କରିବା ଦାବିରେ ସିପିଆଇ- ଏମଏଲ୍ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଛି। ଏହାଛଡ଼ା ଚାଷୀ ଆନ୍ଦୋଳନକୁ ସମର୍ଥନ କରି ମଧ୍ୟ ଟୋଲ୍ ଗେଟରେ ବିକ୍ଷୋଭ କରିଛନ୍ତି ଶତାଧିକ କର୍ମୀ। ପୂର୍ବାହ୍ନ ୧୦ଟା ବେଳେ ସିପିଆଇ- ଏମଏଲର ରାଜ୍ୟ ସଂପାଦକ ଅଶୋକ ପ୍ରଧାନ ଓ ସମାଜବାଦୀ ପାର୍ଟିର ରାଜ୍ୟ ସଂପାଦକ ସୁଦର୍ଶନ ପ୍ରଧାନଙ୍କ ସହ ଶତାଧିକ କର୍ମୀ ବିକ୍ଷୋଭ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସେମାନେ ଏହି ଟୋଲ୍ ଗେଟକୁ ସଂପୂର୍ଣ୍ଣ ଦେୟମୁକ୍ତ କରିବା ଲାଗି ଧାରଣା ଦେଇଛନ୍ତି। ଏହାଛଡ଼ା ସେମାନେ ସମସ୍ତ ଗାଡ଼ିକୁ ଟୋଲ୍ ଟିକସ ନ ଦେବାକୁ ପ୍ରବର୍ତ୍ତାଇଛନ୍ତି। ଠିକ୍ ସେହିପରି ମଙ୍ଗୁଳି ଛକ ନିକଟରେ ଥିବା ଟୋଲ୍ ଗେଟରେ ବି ଅନୁରୂପ ବିକ୍ଷୋଭ ପ୍ରଦର୍ଶନ କରାଯାଇଛି।