ଭୁବନେଶ୍ୱର : ଆସନ୍ତା ୭ ତାରିଖରୁ ୮ମ ଶ୍ରେଣୀରୁ ତଦୁର୍ଦ୍ଧ ସମସ୍ତ ଶ୍ରେଣୀର ଶିକ୍ଷାଦାନ ଶ୍ରେଣୀଗୃହରେ କରାଯିବା ନିଷ୍ପତ୍ତି ସ୍ୱାଗତଯୋଗ୍ୟ। ଏଥିସହ ପ୍ରଥମରୁ ୭ମ ଶ୍ରେଣୀର ଶ୍ରେଣୀଗୃହ ଶିକ୍ଷାଦାନ ତୁରନ୍ତ ସୁନିଶ୍ଚିତ କରାଯାଉ। ମହାମାରୀ ବାହାନାରେ ବାରମ୍ୱାର ଶିକ୍ଷାନୁଷ୍ଠାନ ଖୋଲିବା ଓ ବନ୍ଦ କରିବା ନିଷ୍ପତ୍ତି ପିଲାଙ୍କ ମନରେ ନୈରାଶ୍ୟ ସୃଷ୍ଟି କରୁଛି। ୭ ତାରଖରୁ ନିରବଚ୍ଛିନ୍ନ ଭାବରେ ଶ୍ରେଣୀଗୃହ ଶିକ୍ଷାଦାନ ଚାଲୁରହିବା ଆବଶ୍ୟକ।
Sambad is now on WhatsApp
Join and get latest news updates delivered to you via WhatsApp
ଶିକ୍ଷାନୁଷ୍ଠାନ ବନ୍ଦ କରାଯାଇ ପିଲାଙ୍କୁ ମୁର୍ଖ ହେବା ପାଇଁ ବାଧ୍ୟ କରାଯାଇଛି। ରାଜ୍ୟର ହଜାର ହଜାର ପିଲା ପାଠପଢ଼ା ଛାଡି ଶିଶୁ ଶ୍ରମିକ ପାଲଟିଛନ୍ତି। ବିଶେଷକରି ଆଦିବାସୀ, ଦଳିତ ଓ ଆର୍ଥକ ଅବହେଳିତ ବର୍ଗର ପିଲା ବୌଦ୍ଧିକ ଓ ମାନସିକ ଭାବେ କ୍ଷତିଗ୍ରସ୍ତ ହୋଇଛନ୍ତି। ଏହି କ୍ଷତିର ଭରଣା ପାଇଁ ରାଜ୍ୟ ସରକାର ଛାତ୍ର ସଙ୍ଗଠନ, ଅଭିଭାବକ ଓ ଶିକ୍ଷକ ସଙ୍ଗଠନ ସହ ଆଲୋଚନା କରି ସ୍ୱତନ୍ତ୍ର ବ୍ୟବସ୍ଥା କରନ୍ତୁ ବୋଲି ଏଆଇଏସ୍ଏଫ୍ ରାଜ୍ୟ ସଭାପତି ସଙ୍ଘମିତ୍ରା ଜେନା ଦାବି କରିଛନ୍ତି।