ଖୋର୍ଦ୍ଧା: ଦୁର୍ଘଟଣାରେ ପ୍ରାଣ ହରାଇଥିବା ଡ୍ରାଇଭରମାନଙ୍କ ପାଇଁ ୨୦ଲକ୍ଷ ଟଙ୍କାର ବୀମା, ଅକର୍ମଣ୍ୟ ହେଲେ୧୦ଲକ୍ଷ ଟଙ୍କାର ବୀମା ପ୍ରଦାନ, ୫୫ ବର୍ଷ ପରେ ପେନ୍ସନ୍ର ବ୍ୟବସ୍ଥା ଆଦି ସହ ୯ ଦଫା ଦାବି ନେଇ ଶନିବାର ଓଡ଼ିଶା ଡ୍ରାଇଭର ମହାସଂଘର ଖୋର୍ଦ୍ଧା ଜିଲ୍ଲା ଶାଖା ପକ୍ଷରୁ ଜିଲ୍ଳାପାଳ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ବିଭିନ୍ନ ଘରୋଇ ବସ୍, ଟ୍ରକ, ଟ୍ୟାକ୍ସି ଆଦିର ଶତାଧିକ ଚାଳକ ଶନିବାର ପୂର୍ବାହ୍ଣରେ ଜିଲ୍ଲାପାଳ କାର୍ଯ୍ୟାଳୟ ସମ୍ମୁଖରେ ଏକତ୍ରିତ ହୋଇଥିଲେ । କାର୍ଯ୍ୟାଳୟ ସମ୍ମୁଖରେ ଏକ ପ୍ରତିବାଦ ସଭା କରିବା ପରେ ଏକ ପ୍ରତିନିଧି ଦଳ ଜିଲ୍ଲାପାଳଙ୍କୁ ଭେଟି ମୁଖ୍ୟମନ୍ତ୍ରୀଙ୍କ ଉଦେ୍ଦଶ୍ୟରେ ଏକ ଦାବିପତ୍ର ଦେଇଥିଲେ । ଦାବି ସଂକ୍ରାନ୍ତରେ ଖୋର୍ଦ୍ଧା ସଂଘ ପକ୍ଷରୁ କୁହାଯାଇଛି ଯେ ରାଜ୍ୟ ମହାସଂଘର ଡାକରାରେ ସମଗ୍ର ରାଜ୍ୟର ୩୦ ଜିଲ୍ଲାରେ ଜିଲ୍ଲାପାଳ କାର୍ଯ୍ୟାଳୟ ସମ୍ମୁଖରେ ଏଭଳି ବିକ୍ଷୋଭ କରିବାକୁ ନିଷ୍ପତ୍ତି ନିଆଯାଇଥିଲା । ଏହି କ୍ରମରେ ଖୋର୍ଦ୍ଧାରେ ବିକ୍ଷୋଭ ପ୍ରଦର୍ଶନ କରାଯାଇଛି ।
୯ ଦଫା ଦାବି ମଧ୍ୟରେ ଡ୍ରାଇଭରଙ୍କ ସୁରକ୍ଷା ପାଇଁ ସ୍ୱତନ୍ତ୍ର ଆଇନ, ରାସ୍ତାର ପ୍ରତି ୧୦୦ ମିଟର ଅନ୍ତରରେ ଗାଡ଼ି ପାର୍କିଂ ଓ ବିଶ୍ରାମ ନେବାର ବ୍ୟବସ୍ଥା, ଆବାସ ଯୋଜନାରେ ଗୃହ ନିର୍ମାଣ ପାଇଁ ୫ଲକ୍ଷ ଟଙ୍କା ପ୍ରଦାନ, ପିଲାଙ୍କ ପାଇଁ ଶିକ୍ଷାର ବ୍ୟବସ୍ଥା ଆଦି ଦାବି ରହିଛି । ଏହି ସମସ୍ତ ଦାବି ନେଇ ଗତ ୧ ବର୍ଷ ଧରି ବିଭିନ୍ନ ସମୟରେ ଧାରଣା, ଆନେ୍ଦାଳନ ଜାରି ରହିଛି । ଏପରିକି ସରକାର ମଧ୍ୟ ଆଲୋଚନା କରି ଦାବି ପୂରଣ କରିବାକୁ ପ୍ରତିଶ୍ରୁତି ଦେଇଥିଲେ । କିନ୍ତୁ ଏହା ଏଯାଏଁ ପାଳନ କରାଯାଇନାହିଁ ।