ମୋହନା: ରାଇପଙ୍କା-ବୁଢ଼ାଗାଁ ରାସ୍ତା ମରଣଯନ୍ତା

ମୋହନା : ମାଣ୍ତିମେରା ପ˚ଚାୟତର ମୋହନା-ରାଇପଙ୍କା ପୂର୍ତ୍ତବିଭାଗ ମୁଖ୍ୟରାସ୍ତା ଠାରୁ ବୁଢାଗାଁ(ଖାରିକୁଆ) ୬ କି.ମି ଦୂର। ରାସ୍ତାଟି ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ୨୮୭.୯୬ ଲକ୍ଷ ଟଙ୍କା ବ୍ୟୟରେ ନିର୍ମାଣ ହୋଇଥିଲା। ହେଲେ, ବର୍ତ୍ତମାନ ଏହି ରାସ୍ତା ମରଣଯନ୍ତା ପାଲଟିଛି।

୨୦୧୭ ସେପ୍ଟେମ୍ବର ୮ ତାରିଖରେ ଠିକାଦାରଙ୍କ ଦ୍ବାରା ଏହି ରାସ୍ତା ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲା। ହେଲେ ୨୦୧୮ରେ ସମାପ୍ତ ନ ହୋଇ ବିଳମ୍ବରେ ଶେଷ ହୋଇଥିଲା। ଇତିମଧ୍ୟରେ, ରାସ୍ତାର ଅବସ୍ଥା କଦର୍ଯ୍ୟ ହୋଇ ପଡ଼ିଲାଣି।  ରାସ୍ତାରୁ ପିଚୁ ଉଠି ମେଟାଲଗୁଡ଼ିକ ବାହାରି ରାସ୍ତା ମଝିରେ ଗର୍ତ୍ତମାନ ସୃଷ୍ଟି ହେଲାଣି। ରାସ୍ତା ନିର୍ମାଣ ହେବାର ୫ ବର୍ଷ ପର୍ଯ୍ୟନ୍ତ ରକ୍ଷଣାବେକ୍ଷଣ ଦାୟିତ୍ବ ଠିକାଦାରର ରହିଥିଲେ ମଧ୍ୟ କୌଣସି ମରାମତି ହୋଇନାହିଁ। ଆଗାମୀ ଦିନରେ ଧନଜୀବନ ହାନିରୁ ରକ୍ଷା ପାଇବା ପାଇଁ ତୁରନ୍ତ ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ ଯୋଜନାରେ ନିର୍ମିତ ଏହି ରାସ୍ତାକୁ ମରାମତି କରାଯାଉ ବୋଲି ଦାବି ହୋଇଛି।