ଭୁବନେଶ୍ୱର: ମହାପ୍ରଭୁ ଶ୍ରୀଜଗନ୍ନାଥଙ୍କର ରଥଯାତ୍ରା ୨୦୧୯କୁ ଶୃଙ୍ଖଳାର ସହିତ ସଂପନ୍ନ କରିବା ପାଇଁ ରାଜ୍ୟ ସରକାର, ଜିଲ୍ଲା ପ୍ରଶାସନ, ପୁରୀ ଶ୍ରୀମନ୍ଦିର ପ୍ରଶାସନ ଓ ପୁଲିସ ତରଫରୁ ପ୍ରସ୍ତୁତି ଚାଲିଛି। ଏହି ପରିପ୍ରେକ୍ଷୀରେ ରଥଯାତ୍ରା ପାଇଁ ମଙ୍ଗଳବାର ବରିଷ୍ଠ ପୁଲିସ ଅଧିକାରୀଙ୍କୁ ବଣ୍ଟାହୋଇଛି। ଦେବସ୍ନାନ ପୂର୍ଣ୍ଣିମାରୁ ନୀଳାଦ୍ରି ବିଜେ ଯାଏଁ ଏହି ଅଧିକାରୀମାନେ ଦାୟିତ୍ୱ ତୁଲାଇବାକୁ ନିର୍ଦେଶ ହୋଇଛି।
Sambad is now on WhatsApp
Join and get latest news updates delivered to you via WhatsApp
ଏଡିଜି ପ୍ରଣବିନ୍ଦୁ ଆଚାର୍ଯ୍ୟଙ୍କୁ ରେଳ ଓ ଉପକୂଳ ସୁରକ୍ଷା ଦାୟିତ୍ୱ ଦିଆଯାଇଛି। ସଂଜୀବ ପଣ୍ଡାଙ୍କୁ ସାଧାରଣ ପୁଲିସ ବ୍ୟବସ୍ଥାର ଯାଞ୍ଚ ଦାୟିତ୍ୱ ମିଳିଥିବା ବେଳେ ରାଧାକୃଷ୍ଣ ଶର୍ମା ସୁରକ୍ଷା ଓ ସ୍ୱତନ୍ତ୍ର ବ୍ରାଞ୍ଚ ଦାୟିତ୍ୱରେ ରହିବେ।
ସେହିପରି ଆଇଜି ଅମିତାଭ୍ ଠାକୁର ଟ୍ରାଫିକ୍ ନିୟନ୍ତ୍ରଣ ଦାୟିତ୍ୱରେ ରହିବେ। ସୌମେନ୍ଦ୍ର ପ୍ରିୟଦର୍ଶୀଙ୍କୁ ଶ୍ରୀମନ୍ଦିରରେ ପୁଲିସ ତଦାରଖ ଦାୟିତ୍ୱ ମିଳିଥିବା ବେଳେ ସେ ଶ୍ରୀମନ୍ଦିର ପ୍ରଶାସନ ଓ ସେବାୟତ ନିଯୋଗ ସହ ସମନ୍ଵୟ ବି ରଖିବେ।
ଆଇଜି ଅସିତ ପାଣିଗ୍ରାହୀଙ୍କୁ ଭିଡ଼ ନିୟନ୍ତ୍ରଣ ଦାୟିତ୍ୱ ଦିଆଯାଇଥିବା ବେଳେ ରଥ ନିକଟରେ ଭିଡ଼ ନିୟନ୍ତ୍ରଣ ଓ କର୍ଡନ ତଦାରଖ କରିବେ ଅରୁଣ ବୋଥ୍ରା। ରଥଯାତ୍ରା ବେଳେ ଆର୍.କେ. ସାହୁ ଭିଆଇପି ମାନଙ୍କ ସୁରକ୍ଷା ଦାୟିତ୍ୱ ବୁଝିବେ। ବି.ଏନ୍. ଦାସ ପୁଲିସ ଯୋଗାଯୋଗ ଓ ପରିବହନ ବ୍ୟବସ୍ଥା ବୁଝିବେ। ବି.କେ. ନନ୍ଦ ପୁଲିସ ଶିବିର ପରିଚାଳନା ଦାୟିତ୍ୱ ନେବେ। ଏଏସ୍ପି କଟକ ଏସ.ପି ପହି କଣ୍ଟ୍ରୋଲ ରୁମ୍ ପରିଚାଳନା ଦାୟିତ୍ୱ ତୁଲାଇବେ।