ଡେରାବିଶରେ ଜିତିଗଲେ ଅସନ୍ତୁଷ୍ଟ ବିଜେଡି ସମର୍ଥିତ ପ୍ରାର୍ଥୀ
କେନ୍ଦ୍ରାପଡ଼ା : ଡେରାବିଶ ବ୍ଲକ୍ ପ˚ଚାୟତ ସମିତି ଅଧୢକ୍ଷା ନିର୍ବାଚନକୁ ନେଇ ଶନିବାର ରୋଚକ ପରିସ୍ଥିତି ସୃଷ୍ଟି ହୋଇଛି। ଧର୍ମଗୁଳାରେ ଅସନ୍ତୁଷ୍ଟ ବିଜେଡି ସମର୍ଥିତ ପ୍ରାର୍ଥୀ ପ୍ରଭାତୀ ମଳିକ ବିଜୟୀ ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ବିଧାୟିକା ସାବିତ୍ରୀ ଅଗ୍ରଵାଲ୍ଙ୍କ ସମର୍ଥିତ ବିଜେଡି ସମର୍ଥିତ ପ୍ରାର୍ଥୀ କାଉପଡ଼ା ପ˚ଚାୟତ ସମିତି ସଭ୍ୟା ମିଲନପ୍ରଭା ମଳିକଙ୍କ ବିରୋଧରେ ଡେରାବିଶ ବ୍ଲକ୍ ଅଧୢକ୍ଷ ସରୋଜକାନ୍ତ ସାହୁ, ଜିଲ୍ଲା ବିଜେଡି ସଭାପତି ଉତ୍କଳ କେଶରୀ ପରିଡ଼ା, ବିଜେଡି ନେତା ଅଜୟ କୁମାର ରାଉତଙ୍କ ନେତୃତ୍ବରେ ଅସନ୍ତୁଷ୍ଟ ବିଜେଡି ଗୋଷ୍ଠୀ ପକ୍ଷରୁ ଛୋଟି ପ˚ଚାୟତର ସମିତି ସଭ୍ୟା ପ୍ରଭାତୀ ମଳିକ ପ୍ରାର୍ଥିପତ୍ର ଦାଖଲ କରିଥିଲେ। ୨୬ ପ˚ଚାୟତ ବିଶିଷ୍ଟ ଡେରାବିଶ ବ୍ଲକ୍ରେ ଉଭୟ ପ୍ରାର୍ଥୀଙ୍କ ସପକ୍ଷରେ ୧୩ ଖଣ୍ତ ଲେଖାଏ ଭୋଟ ପଡ଼ିଥିଲା। ଫଳରେ ଧର୍ମଗୁଳାର ସାହାରା ନିଆଯାଇଥିଲା। ଏଥିରେ ଅସନ୍ତୁଷ୍ଟ ବିଜେଡି ସମର୍ଥିତ ଗୋଷ୍ଠୀର ପ୍ରାର୍ଥୀ ପ୍ରଭାତୀ ମଳିକ ବିଜୟୀ ହୋଇଥିଲେ।