ଧାମନଗର ଉପନିର୍ବାଚନ: ସୂର୍ଯ୍ୟବଂଶୀ ସୂରଜଙ୍କ ପ୍ରାର୍ଥିପତ୍ର ଦାଖଲ

ଭଦ୍ରକ: ଧାମନଗରର ଦିବଂଗତ ବିଜେପି ବିଧାୟକ ବିଷ୍ଣୁ ସେଠୀଙ୍କ ପୁଅ ସୂର୍ଯ୍ୟବଂଶୀ ସୂରଜ ସ୍ଥିତପ୍ରଜ୍ଞ ଆଜି ଦଳୀୟ ପ୍ରାର୍ଥୀ ଭାବେ ନିଜର ନାମାଙ୍କନପତ୍ର ଦାଖଲ କରିଛନ୍ତି। ସୂରଜ ସକାଳେ ଜନ୍ମମାଟି ତିହିଡ଼ି ବ୍ଲକ ମଙ୍ଗରାଜପୁର ଗାଁକୁ ଯାଇ ବାପାଙ୍କ ସମାଧିପୀଠରେ ପୁଷ୍ପମାଲ୍ୟ ଅର୍ପଣ ସହ ଗ୍ରାମ ଦେବତୀଙ୍କଠାରେ ପୂଜାର୍ଚ୍ଚନା କରିଥିଲେ। ଗାଁ ଲୋକଙ୍କଠାରୁ ଆଶୀର୍ବାଦ ଭିକ୍ଷା କରିଥିଲେ। ସେଠାରୁ ଭଦ୍ରକ ଫେରି କୁଆଁଶସ୍ଥିତ ବାସଭବନରେ ମାଆ ଊର୍ମିଳାଙ୍କଠାରୁ ଆଶିଷ ନେଇଥିଲେ। ଏହିସମୟରେ ସେ ମାଆଙ୍କୁ ଧରି କାନ୍ଦି ପକାଇଥିଲେ। ପରେ ଦକ୍ଷିଣକାଳୀ ମନ୍ଦିରରେ ପୂଜାର୍ଚ୍ଚନା କରି ସାନଭଉଣୀ ସହିତ ଏକ ନିରାଡ଼ମ୍ବର ଶୋଭାଯାତ୍ରାରେ ସହର ପରିକ୍ରମା କରିଥିଲେ। ନିର୍ବାଚନ ଅଧିକାରୀଙ୍କ ନିକଟରେ ପହଞ୍ଚି ନିଜର ତିନି ସେଟ୍ ପ୍ରାର୍ଥିପତ୍ର ଦାଖଲ କରିଥିଲେ।

ଶୋଭାଯାତ୍ରାରେ ସୂରଜଙ୍କ ସହ ବିଜେପି ରାଜ୍ୟ ସଭାପତି ସମୀର ମହାନ୍ତି, ପୂର୍ବତନ ମନ୍ତ୍ରୀ ମନମୋହନ ସାମଲ, ରାଜ୍ୟ ସାଧାରଣ ସମ୍ପାଦକ ଗୋଲକ ମହାପାତ୍ର, କେନ୍ଦୁଝର ବିଧାୟକ ମୋହନ ମାଝୀ, ବିରୋଧୀଦଳ ନେତା ତଥା ସମ୍ବଲପୁର ବିଧାୟକ ଜୟନାରାୟଣ ମିଶ୍ର, ବ୍ରହ୍ମଗିରି ବିଧାୟକ ଲଳିତେନ୍ଦୁ ବିଦ୍ୟାଧର ମହାପାତ୍ର, ଉଦଳା ବିଧାୟକ ଭାସ୍କର ମଢ଼େଇ, ବାରିପଦା ବିଧାୟକ ପ୍ରକାଶ ସୋରେନ୍‌, ବଡ଼ସାହି ବିଧାୟକ ସନାତନ ବିଜୁଳି, ସାରସକଣା ବିଧାୟକ ଡା.ବୁଢ଼ାନ୍‌ ମୁର୍ମୁ, ପୂର୍ବତନ ସାଂସଦ ଖାରବେଳ ସ୍ବାଇଁ, ଜିଲ୍ଲା ପର୍ଯ୍ୟବେକ୍ଷକ କାଳନ୍ଦୀ ସାମଲ, ଭଦ୍ରକ ଜିଲ୍ଲା ବିଜେପି ସଭାପତି ହେମନ୍ତ ପାଢ଼ୀ, ରାଜ୍ୟ ସମ୍ପାଦକ ଅଭିମନ୍ୟୁ ସେଠୀ, ଡ.ପ୍ରଦୀପ ନାୟକ, ଦୀନବନ୍ଧୁ ପତି, ବିଜେପି ମହିଳା ନେତ୍ରୀ ମନସ୍ମିତା ଖୁଣ୍ଟିଆ, ସିପ୍ରା ବାଜପେୟୀ, ଠାକୁର ରଣଜିତ ଦାସ, ମାଧବ ମଲ୍ଲିକ, ତୁଷାର ଜେନା, ଅକ୍ଷୟ ସାହୁ, ଜଗନ୍ନାଥ ଦାସ, ବଦ୍ରିନାରାୟଣ ଧଳ, ଶରତ ପଢ଼ିଆରୀ, ବୁଦ୍ଧଦେବ ଜେନା, ଜିଲ୍ଲା ସାଧାରଣ ସମ୍ପାଦକ ଶଶିକାନ୍ତ ବିଶ୍ଵାଳ, ତପନ ମହାନ୍ତି, ଅଶୋକ ପୁହାଣ, ଶରତ ମହାନ୍ତି, ମନୋଜ ମଲ୍ଲିକ, ଚତୁର୍ଭୁଜ ନାୟକ, ବୈକୁଣ୍ଠ ସାହୁ, ଅରବିନ୍ଦ ପତି, ପୂର୍ବତନ ଜିଲ୍ଲା ପରିଷଦ ସଭ୍ୟ ଉମାମଣି ସାହୁ, ମୀନତି ସାହୁ, ପୁଷ୍ପାଞ୍ଜଳି ବେହେରାଙ୍କ ସମେତ ଧାମନଗର ଓ ତିହିଡ଼ି ବ୍ଲକରୁ ହଜାର ହଜାର ଦଳୀୟ ନେତା ଓ କର୍ମୀ ସାମିଲ୍‌ ହୋଇଥିଲେ।