‘ଫନି’ ପରେ ସ୍ଥିତି ସମୀକ୍ଷା ପାଇଁ ଓଡ଼ିଶା ଆସୁଛନ୍ତି ୨ଟି କେନ୍ଦ୍ରୀୟ ଟିମ୍, ୩ ଦିନ ରହି ପରଖିବେ ସ୍ଥିତି
ଭୁବନେଶ୍ୱର: ବାତ୍ୟା ‘ଫନି’ରେ ଓଡ଼ିଶାରେ ବହୁ କ୍ଷୟକ୍ଷତି ହେବା ପରେ ସ୍ଥିତି ସମୀକ୍ଷା କରିବା ପାଇଁ କେନ୍ଦ୍ରରୁ ୨ଟି ଟିମ୍ ସୋମବାର ଆସି ଓଡ଼ିଶାରେ ପହଞ୍ଚିବେ ବୋଲି କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସୂଚନା ଦେଇଛନ୍ତି। ଏହି ଟିମ୍ ଓଡ଼ିଶାରେ ୩ ଦିନ କାଳ ରହି ବିଭିନ୍ନ ସ୍ଥାନରେ ବୁଲି ସ୍ଥିତି ସମୀକ୍ଷା କରିବେ ବୋଲି ଜାଣିବାକୁ ମିଳିଛି। ଆସିବାକୁ ଥିବା ଏହି ୨ କେନ୍ଦ୍ରୀୟ ଟିମ୍ର ନେତୃତ୍ୱ ନେବେ ଗୃହ ବିଭାଗର ବରିଷ୍ଠ ଅଧିକାରୀ।
Sambad is now on WhatsApp
Join and get latest news updates delivered to you via WhatsApp
କେବଳ ଏହି ଦୁଇ ଟିମ୍ ନୁହେଁ ବରଂ ଓଡ଼ିଶାର ସ୍ଥିତି ସମୀକ୍ଷା ସକାଶେ କେନ୍ଦ୍ର ଶକ୍ତି, ବ୍ୟାଙ୍କ୍ ଓ ଟେଲିକମ୍ ବିଭାଗର ଅଧିକାରୀମାନେ ମଧ୍ୟ ଆସିବେ ବୋଲି ଶ୍ରୀଯୁକ୍ତ ପ୍ରଧାନ କହିଛନ୍ତି। ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ, ଗୃହ ବିଭାଗ ଓ ଟେଲିକମ୍ ମନ୍ତ୍ରାଳୟର ଅଧିକାରୀମାନଙ୍କୁ ନେଇ ଅନୁଷ୍ଠିତ ହୋଇଥିବା ଏକ ବୈଠକରେ ଯୋଗ ଦେବା ପରେ ଧର୍ମେନ୍ଦ୍ର ପ୍ରଧାନ ଏ ସଂପର୍କରେ ସୂଚନା ପ୍ରଦାନ କରିଛନ୍ତି।
ଉଲ୍ଲେଖଯୋଗ୍ୟ, ମେ ୩ ତାରିଖରେ ସାମୁଦ୍ରିକ ଝଡ଼ ‘ଫନି’ ପୁରୀରୁ ଆରମ୍ଭ ହୋଇ ଓଡ଼ିଶାରେ ବିଭିନ୍ନ ଜିଲ୍ଲାକୁ ଏହା ପ୍ରଭାବିତ କରିଥିଲା। ଏପର୍ଯ୍ୟନ୍ତ ଓଡ଼ିଶା ସ୍ୱାଭାବିକ ଅବସ୍ଥାକୁ ଆସିପାରିନାହିଁ।