୨୦୨୦-୨୧ ବଜେଟ : ରୋଜଗାର ବଢ଼ିବ, ବିକଶିତ ରାଜ୍ୟ ଅନେକ ସୁବିଧା ପାଇବେ ବୋଲି ପ୍ରତିକ୍ରିୟା ରଖିଲେ ଧର୍ମେନ୍ଦ୍ର
ଭୁବନେଶ୍ୱର: ଅର୍ଥମନ୍ତ୍ରୀ ନିର୍ମଳା ସୀତାରମଣ ଆଜି ଲୋକସଭାରେ ବର୍ଷ ୨୦୨୦-୨୧ ପାଇଁ ସାଧାରଣ ବଜେଟ ଉପସ୍ଥାପନ କରିଛନ୍ତି। ଏହି ବଜେଟ ଉପସ୍ଥାପନାକୁ ନେଇ କେନ୍ଦ୍ର ପଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପ୍ରତିକ୍ରିୟା ଦେଇ କହିଛନ୍ତି, ପ୍ରତ୍ୟେକ୍ଷ ଓ ପରୋକ୍ଷ କରରେ ଜନତାଙ୍କୁ ଲାଭ ମିଳିବ। ଏଥିସହିତ ସ୍ୱାସ୍ଥ୍ୟ ଓ ସାମାଜିକ କ୍ଷେତ୍ରରେ ନିବେଶରେ ସରଳୀକରଣ ହେବ। ଏତଦ୍ ଦ୍ୱାରା ରୋଜଗାର ବଢ଼ିବ । ଫଳରେ ବିକଶିତ ରାଜ୍ୟ ଏ ନେଇ ଅନେକ ସୁବିଧା ପାଇବେ ବୋଲି କହିଛନ୍ତି ଧର୍ମେନ୍ଦ୍ର ପ୍ରଧାନ।
Sambad is now on WhatsApp
Join and get latest news updates delivered to you via WhatsApp
ବଜେଟ ଉପସ୍ଥାପନ କରି ନିର୍ମଳା ସୀତାରମଣ କହିଛନ୍ତି ଯେ ଏଥିରେ ଦେଶର ସବୁ ବର୍ଗଙ୍କ ଆଶା ଓ ଆକାଂକ୍ଷା ପୂରଣ ପାଇଁ ଚେଷ୍ଟା କରାଯାଇଛି । ଦେଶର ଲୋକମାନଙ୍କ ଆୟ ବୃଦ୍ଧି ମାଧ୍ୟମରେ ସାମଗ୍ରିକ ଭାବେ ଅର୍ଥନୈତିକ ଅଭିବୃଦ୍ଧି ଉପରେ ବିଶେଷ ଗୁରୁତ୍ୱ ଦିଆଯାଉଛି ।
ଏହି ବଜେଟ ଉପସ୍ଥାପନ ମୋଦୀ ସରକାରଙ୍କର ୨ୟ କାର୍ଯ୍ୟକାଳର ପ୍ରଥମ ପୂର୍ଣ୍ଣଙ୍ଗ ବଜେଟ ହୋଇଥିବା ବେଳେ ବ୍ୟକ୍ତିଗତଭାବେ ମଧ୍ୟ ନିର୍ମଳାଙ୍କର ଏହା ଦ୍ବିତୀୟ ବଜେଟ।