ପୁରୀ: ଆଜି ରାଜ୍ୟର ସବୁଠୁ ଧନୀ ‘ଏମାର ମଠ’ରେ ପୁଣି ଖୋଦନ ହୋଇଥିଲା। ହେଲେ ଏଠାରୁ କୌଣସି ରୁପା ଇଟା ମିଳି ନଥିବା ଜଣାଯାଇଛି। କେବଳ ଗୋଟିଏ ଲୁହା ଖଣ୍ଡ ମିଳିଥିବା କୁହାଯାଇଛି। ଏଠାରେ ମାଟିତଳେ ଗୁପ୍ତଧନ ଥିବା ଅନୁମାନ କରାଯିବା ପରେ ଖୋଳାଯାଇଥିଲା। ମାଜିଷ୍ଟ୍ରେଟ୍, ଶ୍ରୀମନ୍ଦିର ପ୍ରଶାସନର ଅଧିକାରୀ, ଟ୍ରଷ୍ଟବୋର୍ଡ ସଦସ୍ୟ, ଉଚ୍ଚପଦସ୍ଥ ପୁଲିସ୍ ଅଧିକାରୀ ଏବଂ ଉପଜିଲ୍ଲାପାଳଙ୍କ ଉପସ୍ଥିତିରେ ଏହି କାର୍ଯ୍ୟ କରାଯିବା ନେଇ ସୂଚନା ରହିଛି। ମଠ ପରିସରରେ ମେଟାଲ ଡିଟେକ୍ଟର ସାହାଯ୍ୟରେ ମଠ ପରିସର ଟିକିନିଖି ଯାଞ୍ଚ ପରେ ପୂର୍ବ ଚିହ୍ନିତ ୩ଟି ସ୍ଥାନକୁ ଆଜି ଖୋଳାଯାଇଥିବା ଜଣାଯାଇଛି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଗତ ୨୦୨୧ ଅଗଷ୍ଟ ୧୬ ତାରିଖରେ ପୁରୀର ବହୁଚର୍ଚ୍ଚିତ ଏମାର ମଠରେ ଗୁପ୍ତଧନ ଥିବା ସନ୍ଦେହ କରି ଦେବୋତ୍ତର ବିଭାଗ, ପୋଲିସ ଅଧିକାରୀ, ପ୍ରଶାସନିକ ଅଧିକାରୀ ଓ ଟ୍ରଷ୍ଟ ବୋର୍ଡ ସଦସ୍ୟଙ୍କ ଉପସ୍ଥିତିରେ ମେଟାଲ୍ ଡିଟେକ୍ଟର ଯୋଗେ ଯାଞ୍ଚ କରାଯାଇଥିଲା। ଚଟାଣ ତଳେ ଧାତବ ପଦାର୍ଥ ଓ ଦୁର୍ଲଭ ପଦାର୍ଥ ଥିବା ସନ୍ଦେହରେ ତିନି ଚାରୋଟି ସ୍ଥାନକୁ ଚିହ୍ନଟ କରାଯାଇଥିଲା। ତେବେ ଯେଉଁ ମେଟାଲ୍ ଡିଟେକ୍ଟର ଯୋଗେ କିଛି ସ୍ଥାନକୁ ଯାଞ୍ଚ କରାଯାଇଥିଲା ତାହା ଦେଢଫୁଟ ପର୍ଯ୍ୟନ୍ତ ଯାଉଥିବାରୁ ଗୁପ୍ତଧନ ଠାବ ସମ୍ଭବପର ହୋଇନଥିଲା। ଅନୁନ୍ୟ ୪ରୁ ୫ଫୁଟ ଗଭୀରତା ଯାଏଁ ଯାଉଥିବା ମେଟାଲ୍ ଡିଟେକ୍ଟରର ଆବଶ୍ୟକତା ଥିବା ସେତେବେଳେ କୁହାଯାଇଥିଲା। ତେବେ ଆଜି ପୁର୍ନବାର ଅତ୍ୟାଧୁନିକ ମେଟାଲ୍ ଡିଟେକ୍ଟର ଯୋଗେ ଚିହ୍ନଟ ସ୍ଥାନକୁ ଯାଞ୍ଚ କରାଯାଉଛି। ଦେବୋତ୍ତର ବିଭାଗ, ପୋଲିସ, ପ୍ରଶାସନିକ ଅଧିକାରୀ ଓ ଟ୍ରଷ୍ଟବୋର୍ଡ ସଦସ୍ୟଙ୍କ ଉପସ୍ଥିତିରେ ଗୁପ୍ତଧନ ଥିବା ନେଇ ପୁର୍ନବାର ଯାଞ୍ଚ କରାଯାଉଛି। ତେବେ ଵହୁଚର୍ଚ୍ଚିତ ଏମାରମଠରୁ ୨୦୧୧ରେ ୫୨୨ ଖଣ୍ଡ ରୂପାଇଟା ବାହାରିବା ପରେ ଗତବର୍ଷ ମଧ୍ୟ ପୁର୍ନବାର ୪୫ ଖଣ୍ଡ ରୂପାଇଟା ବାହାରିବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଥିବା ଆ ଆଉକିଛି ଗୁପ୍ତଧନ ବାହାରିବା ଆଶାରେ ଆଜି ପୁର୍ନବାର ଯାଞ୍ଚ କରାଯାଇଥିଲା।