ଭୁବନେଶ୍ୱର: ‘ଆପଣଙ୍କ ଯାତ୍ରା ମଙ୍ଗଳମୟ ହେଉ’ ବସର ପ୍ରବେଶ ପଥରେ ଆପଣ କିଛି ଶବ୍ଦର ଏହି ବାକ୍ୟ ଦେଖିବାକୁ ପାଇଥିବେ |ଯାତ୍ରା ମଙ୍ଗଳମୟ ହେଉ ବା ଯାତ୍ରୀଙ୍କ ଦିଲ ଖୁସିରେ ଭରିଯାଉ ଭାବି ବସର ନାମ ରଖାଯାଇଥିଲା ‘ଦିଲଖୁସ’ | କିନ୍ତୁ ଏହି ନାମଧାରୀ ବସ ବର୍ଷକ ମଧ୍ୟରେ ୪ ଥର ଦୁର୍ଘଟଣା ହୋଇସାରିଲାଣି | ଯେଉଁଥିରେ ୫ ଜଣଙ୍କର ଜୀବନ ଯାଇଥିବାବେଳେ ୧୦ରୁ ଅଧିକ ଯାତ୍ରୀ ଆହତ ହେଲେଣି | ବେପରୁଆ ଗାଡିଚାଳନା ହେଉ ବା ପ୍ରତିକୂଳ ପାଣିପାଗ ହେଉ ଏହି ବସଟି ସୁଖ ବାଣ୍ଟିବା ବଦଳରେ ଦୁଃଖର ସୌଦାଗର ପାଲଟିଯାଇଛି |
Sambad is now on WhatsApp
Join and get latest news updates delivered to you via WhatsApp
ସାରା ଓଡ଼ିଶା ସହ ରାଜଧାନୀ ଭୁବନେଶ୍ୱରକୁ ଯୋଡିବା ପାଇଁ ଦିଲଖୁସ ପ୍ରୟାସ ଆରମ୍ଭ କରିଥିଲା ସତ କିନ୍ତୁ ବାରମ୍ବାର ଦୁର୍ଘଟଣା ଯୋଗୁଁ ନିରାପଦ ଯାତ୍ରା ନେଇ ଏବେ ପ୍ରଶ୍ନବାଚୀ ସୃଷ୍ଟି ହୋଇଛି | ଆଜି ସକାଳେ ଏହି ବସଟି ଅନୁଗୋଳ ଜିଲ୍ଲା ବଅଁରପାଳ ନିକଟରେ ଭାରସାମ୍ୟ ହରାଇ ଓଲଟି ପଡ଼ିବାରୁ ୮ ଜଣ ଆହତ ହୋଇଛନ୍ତି | ଝାରସୁଗୁଡ଼ାରୁ ଭୁବନେଶ୍ୱର ଅଭିମୁଖେ ଯାଉଥିବାବେଳେ ଦୁର୍ଘଟଣାର ସମ୍ମୁଖୀନ ହୋଇଥିଲା ଏହି ବସ | ଠିକ ସେହିପରି ଜୁନ ୨୨ ତାରିଖରେ ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ୍ ଧଡ୍ରା ତେଲ ଟାଙ୍କି ନିକଟରେ ରାଇଘରରୁ ଭୁବନେଶ୍ୱରକୁ ଯାଉଥିବା ସମୟରେ ଜଣେ ବ୍ୟକ୍ତିଙ୍କୁ ଧକ୍କା ଦେଇଥିଲା |
ଏଥିରେ ତାଙ୍କର ମୃତ୍ୟୁ ହୋଇଯାଇଥିଲା | ନଭେମ୍ବର ୨୦୧୮ରେ ମଧ୍ୟ ଦିଲଖୁସ ବସ ଭବାନୀପାଟଣାରୁ ଭୁବନେଶ୍ୱର ଯାଉଥିବାବେଳେ ଏକ ବାଇକ ସହ ମୁହାଁମୁହିଁ ଧକ୍କା ହେବା ପଳରେ ଘଟଣାସ୍ଥଳରେ ୩ ଜଣ ବାଇକ ଆରୋହୀଙ୍କର ମୃତ୍ୟୁ ଘଟିଥିଲା | ସେହିପରି ୨୦୧୮ ଜୁନମାସରେ ବେଲପାହାଡରେ ମଧ୍ୟ ଏହି ବସ ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିଲା |