କଟକ : ମାଧୢମିକ ଶିକ୍ଷା ପରିଷଦ(ବୋର୍ଡ) ଦ୍ବାରା ପରିଚାଳିତ ଡିପ୍ଲୋମା ଇନ୍‌ ଏଲିମେଣ୍ଟାରି ଏଜୁକେସନ(ଡିଏଲ୍‌ ଇଡି) ପରୀକ୍ଷାଫଳ ଆଜି ପ୍ରକାଶ ପାଇଛି। ଏଥିରେ ପାସ୍‌ ହାର ୯୭.୫୨ ପ୍ରତିଶତ ହୋଇଛି। ଡିଏଲ୍‌ଇଡି ଦ୍ବିତୀୟ ବର୍ଷରେ ୫୮୧୨ଜଣ ଓ ବ୍ୟାକ୍‌ରେ ୨୦୧ଜଣ ଏହିପରି ମୋଟ ୬୦୧୩ଜଣ ପରୀକ୍ଷା ଦେଇଥିବା ବେଳେ ଜଣେ ଏମ୍‌ପି ହୋଇଥିଲେ। ଆଜି ୬୦୧୨ଜଣ ପରୀକ୍ଷାର୍ଥୀଙ୍କ ଫଳ ପ୍ରକାଶ ପାଇଥିବା ବେଳେ ମୋଟ ୫୮୬୩ଜଣ ପାସ୍‌ କରିଛନ୍ତି। ପ୍ରଥମ ବର୍ଷରେ ୬୦୫୫ଜଣ ପରୀକ୍ଷା ଦେଇଥିବା ବେଳେ ୧୧ଜଣ ଏମ୍‌ପି ହୋଇଛନ୍ତି। ଡିଏଲ୍‌ ଇଡି ପରୀକ୍ଷା ଆଜି ଅପରାହ୍‌ଣ ୪ଟାରୁ ବୋର୍ଡ େଵବ୍‌ସାଇଟ୍‌ www.bseodisha.ac.in ରେ ଉପଲବ୍‌ଧ ବୋଲି ବୋର୍ଡ ସଭାପତି ଡକ୍ଟର ଜାହାନ୍‌ ଆରା ବେଗମ୍‌ ସୂଚନା ଦେଇଛନ୍ତି।