ଦୀପୁ ଓ ଓମ୍ ହତ୍ୟାକାଣ୍ତ: ଏଫଏସ୍ଏସ୍ଏଲ୍ ସହକାରୀ ନିର୍ଦ୍ଦେଶକଙ୍କ ସାକ୍ଷ୍ୟ ଗ୍ରହଣ ଅଧା
କଟକ: ଦୀପୁ ଓରଫ୍ ମନୋଜ ମଲ୍ଲିକ ଓ ଓମ୍ ଓରଫ ଓମ ପ୍ରକାଶ ସ୍ବାଇଁ ହତ୍ୟାକାଣ୍ତ ମାମଲାର ଶୁଣାଣି ସମୟରେ ରସୁଲଗଡ଼ସ୍ଥିତ ରାଜ୍ୟ ଫରେନ୍ସିକ୍ ସାଇନ୍ସ ଲାବୋରେଟୋରି(ଏସଏଫ୍ଏସ୍ଏଲ୍)ର ସହକାରୀ ନିର୍ଦ୍ଦେଶକ ଅରୁଣ କୁମାର ସ୍ବାଇଁ ଅଦାଲତରେ ହାଜର ହୋଇ ଆଜି ସାକ୍ଷ୍ୟ ପ୍ରଦାନ କରିଛନ୍ତି। ଜିଲ୍ଲା ଓ ଦୌରା ଜଜ୍ ବାଳକୃଷ୍ଣ ମହାପାତ୍ରଙ୍କ ଇଜଲାସରେ ମାମଲାର ଶୁଣାଣି ସମୟରେ ଶ୍ରୀ ସ୍ବାଇଁଙ୍କ ସାକ୍ଷ୍ୟ ଗ୍ରହଣ ହୋଇଛି। ହତ୍ୟାକାଣ୍ଡ ସହିତ ଜଡିତ ଖୁଣ୍ଟକଟା ଫାର୍ମ ହାଉସ ଓ ଝାଡଖଣ୍ଡର ନିର୍ଦ୍ଦିଷ୍ଟ ସ୍ଥାନ ସେ ସାଇାଣ୍ଟିଫିକ ଦଳ ସହିତ ଗସ୍ତ କରିଥିବା ବେଳେ ଅପରାଧରେ ବ୍ୟବହୃତ କାରରେ ଥିବା ରକ୍ତଦାଗ ଓ ମୃତକଙ୍କ ଡିଏନଏ ଟେଷ୍ଟ ରିପୋର୍ଟ ପ୍ରସଂଗରେ ସାକ୍ଷ୍ୟ ଗ୍ରହଣ ସମୟରେ ଶ୍ରୀ ସ୍ବାଇଁ ସୂଚନା ଦେଇଥିଲେ। ଆଜି ତାଙ୍କର ସାକ୍ଷ୍ୟ ଗ୍ରହଣ ଅଧା ରହିଛି। ମେ’୧ରେ ମାମଲାର ପରବର୍ତ୍ତୀ ଶୁଣାଣି ସମୟରେ ଶ୍ରୀ ସ୍ବାଇଁଙ୍କୁ ଅଭିଯୁକ୍ତଙ୍କ ଓକିଲ ଜେରା କରିବେ।