ମାଟ୍ରିକ ଫଳକୁ ନେଇ ଅସନ୍ତୋଷ, ଶିଶୁମନ୍ଦିର ଘେରିଲେ ଛାତ୍ରଛାତ୍ରୀ
ଦଶରଥପୁର : ଚଳିତ ମାଟ୍ରିକ ଫଳକୁ ନେଇ ଦଶରଥପୁର ବ୍ଲକ୍ ମଙ୍ଗଳପୁର ସରସ୍ୱତୀ ଶିଶୁ ବିଦ୍ୟାମନ୍ଦିରର ଛାତ୍ରଛାତ୍ରୀ ଓ ଅଭିଭାବକଙ୍କ ମଧ୍ୟରେ ଅସନ୍ତୋଷ ସୃଷ୍ଟି ହୋଇଛି। ଫଳରେ ସୋମବାର ଛାତ୍ରଛାତ୍ରୀ ଓ ଅଭିଭାବକମାନେ ଶିଶୁମନ୍ଦିର ଘେରାଉ କରିବା ସହ ପୁନଃ ମୂଲ୍ୟାୟନ ପାଇଁ ଦାବି କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଅଭିଯୋଗ ଅନୁଯାୟୀ, ଶିଶୁମନ୍ଦିରର ଛାତ୍ର ଦେବସ୍ନାତ ରାଉତ ନବମ ଶ୍ରେଣୀ ଟେଷ୍ଟରେ ୩୯୮ ଓ ବାର୍ଷିକ ପରୀକ୍ଷାରେ ୩୯୦ ନମ୍ବର ରଖିଥିଲେ। ବର୍ତ୍ତମାନ ତାଙ୍କୁ ୨୯୪ ନମ୍ବର ଦିଆଯାଇଛି। ସେହିପରି ଚିନ୍ମୟ ପାଣିଗ୍ରାହୀଙ୍କର ଟେଷ୍ଟରେ ୫୪୮ ଓ ବାର୍ଷିକ ପରୀକ୍ଷାରେ ୫୫୦ ନମ୍ବର ରହିଥିବା ବେଳେ ମାଟ୍ରିକରେ ତାଙ୍କୁ ୪୫୦ ନମ୍ବର ଦିଆଯାଇଛି। ଓମ୍ ପ୍ରକାଶ ମଲ୍ଲିକଙ୍କର ଟେଷ୍ଟରେ ୪୭୩ ଓ ବାର୍ଷିକରେ ୪୭୯ ରହିଥିବା ବେଳେ ମାଟ୍ରିକରେ ୩୮୨ ନମ୍ବର ମିଳିଛି। ରଂଜିତ କୁମାର ଦଳାଇ ଟେଷ୍ଟରେ ୪୨୭ ଓ ବାର୍ଷିକରେ ୪୫୨ ରଖିଥିବା ବେଳେ ମାଟ୍ରିକରେ ୩୩୮ ନମ୍ବର ପାଇଛନ୍ତି। ସାଇ ଶୁଭମ ଜେନା ଟେଷ୍ଟରେ ୪୬୪ ଓ ବାର୍ଷିକରେ ୪୬୮ ରଖିଥିବା ବେଳେ ଏବେ ୩୯୬ ନମ୍ବର ପାଇଛନ୍ତି। ସୋହାନୀ ଜେନା ଟେଷ୍ଟରେ ୪୯୦ ଓ ବାର୍ଷିକରେ ୪୯୨ ରଖିଥିବା ବେଳେ ମାଟ୍ରିକରେ ୩୯୭ ନମ୍ବର ରଖିଛନ୍ତି।
ବହୁ ଛାତ୍ରଛାତ୍ରୀଙ୍କର ଏଭଳି ହୋଇଥିବାରୁ ଛାତ୍ରଛାତ୍ରୀ ଓ ଅଭିଭାବକ ଶିଶୁମନ୍ଦିର ଘେରାଉ କରି ପୁନଃ ମୂଲ୍ୟାୟନ ପାଇଁ ଦାବିପତ୍ର ପ୍ରଦାନ କରିଥିଲେ। ଏସମ୍ପର୍କରେ ବୋର୍ଡ କର୍ତ୍ତୃପକ୍ଷ ଓ ବିଭାଗୀୟ ମନ୍ତ୍ରୀଙ୍କୁ ଅବଗତ କରାଯିବ ବୋଲି ଶିଶୁମନ୍ଦିର ପକ୍ଷରୁ କୁହାଯାଇଛି।