କଟକ: କଟକ ଜିଲ୍ଲା କଣ୍ଟାପଡା ବ୍ଲକ ଉରାଢ଼ ପଞ୍ଚାୟତର ତଣ୍ଡିକଣା ଗ୍ରାମର ମା ସପ୍ତଫଣୀ ପୀଠରେ ସହଯୋଗ ସଂଗଠନ ପଞ୍ଚାୟତର ଶତାଧିକ ଗରିବ ଅସହାୟ ବ୍ୟକ୍ତି ଏବଂ ଛାତ୍ରଛାତ୍ରୀ ମାନଙ୍କୁ ମାଗଣା ପାଠପଢ଼ା ସାମଗ୍ରୀ, ମାସିକିଆ ରାସନ୍ ସମଗ୍ରୀ ଓ ଶାଢ଼ି ବାଣ୍ଟିଛି।
Sambad is now on WhatsApp
Join and get latest news updates delivered to you via WhatsApp
ଡ଼ ଗଙ୍ଗାଧର ସ୍ୱାଇଁଙ୍କ ସଭାପତିତ୍ବରେ ଅନୁଷ୍ଠିତ ସଭାରେ ମୁଖ୍ୟଅତିଥି ଭାବେ କଣ୍ଟାପଡ଼ା ବ୍ଲକର ପୂର୍ବତନ ଚେୟାରମେନ ପ୍ରତାପ ଚନ୍ଦ୍ର ରାଉତରାୟ ଯୋଗ ଦେଇଥିଲେ। ସରପଞ୍ଚ କୁନୀ ଭୋଇ ଓ ସମିତି ସଭ୍ୟା ସୌଦାମିନୀ ରାଉତଙ୍କ ସମେତ ଟୁଲୁ ସ୍ୱାଇଁ, ସମାଜସେବୀ ବିଘ୍ନରାଜ ମହାପାତ୍ର, ନିରଞ୍ଜନ ରାଉତ, ସ୍ଵାଧୀନ ସ୍ୱାଇଁ, ସୁବୋଧ ପରିଡ଼ା, ପ୍ରଭାକର ସ୍ୱାଇଁ, ସୁକାନ୍ତ ସାହୁ ,ପ୍ରମୋଦ ପ୍ରଧାନ, ଭାଗ୍ୟଶ୍ରୀ ସ୍ୱାଇଁ , ପିଙ୍କି ବସ୍ତିଆ, ରବୀନ୍ଦ୍ର ମଲ୍ଲିକ, କିଶୋର ପରିଡ଼ା, ପପୁଲି ପରିଡ଼ା,ନାଥ ସ୍ୱାଇଁ ପ୍ରମୁଖ ଉପସ୍ଥିତ ଥିଲେ। ସ୍ଥାନୀୟ ଅଞ୍ଚଳର ବାପା-ଝିଅ ନାରାୟଣ ସ୍ୱାଇଁ ଓ ମଧୁସ୍ମିତା ସ୍ୱାଇଁଙ୍କ ମାନବସେବାର ପ୍ରଶଂସା କରି ଏଥିରେ ସାମିଲ ହେବାକୁ ମୁଖ୍ୟ ଅତିଥି ସମସ୍ତଙ୍କୁ ଆହ୍ବାନ ଦେଇଥିଲେ।