ସମ୍ବଲପୁର: ୨୫ରେ ଜିଲ୍ଲାସ୍ତରୀୟ ଯୁବ ଉତ୍ସବ

ସମ୍ବଲପୁର : ଜିଲ୍ଲା ସ୍ତରୀୟ ଯୁବ ଉତ୍ସବ ଜୁନ ୨୫ ତାରିଖ ଦିନ ଏମ୍‌ସ କଲେଜ ପରଧିଆପାଲି ଠାରେ ଅନୁଷ୍ଠିତ ହେବ। ନେହେରୁ ଯୁବ କେନ୍ଦ୍ର ସମ୍ବଲପୁର ଏବଂ ଏମ୍‌ସ କଲେଜର ମିଳିତ ଆନୁକୂଲ୍ୟରେ ଏହି ଉତ୍ସବ ଅନୁଷ୍ଠିତ ହେବାକୁ ଯାଉଛି।

ଏହି ଅବସରରେ ପେଣ୍ଟିଂ, ମୋବାଇଲ୍ ଫୋଟଗ୍ରାଫି, କବିତା ଲେଖା, ଆଙ୍କରିଂ ସହ ବିଭିନ୍ନ ସାଂସ୍କୃତିକ ପ୍ରତିଯୋଗିତା ଅନୁଷ୍ଠିତ ହେବ। ଗ୍ରୁପ୍‌ରେ ସର୍ବାଧିକ ୧୦ ଜଣ ରହି ପାରିବେ। ପ୍ରତିଯୋଗୀଙ୍କ ବୟସ ୧୫ରୁ ୨୯ ବର୍ଷ ହେଇଥିବା ଆବଶ୍ୟକ। ପ୍ରତ୍ୟେକ ପ୍ରତିଯୋଗିତାର ପ୍ରଥମ ଏବଂ ଦ୍ୱିତୀୟ ବିଜେତା ରାଜ୍ୟ ସ୍ତରୀୟ ପ୍ରତିଯୋଗିତାରେ ଅଂଶ ଗ୍ରହଣ କରିବେ। ପ୍ରତିଯୋଗିତାରେ ପ୍ରଥମ, ଦ୍ୱିତୀୟ ଏବଂ ତୃତୀୟ ସ୍ଥାନ ଅଧିକାର କରିଥିବା ବିଜେତାଙ୍କୁ ପୁରସ୍କାର ରାଶି ପ୍ରଦାନ କରାଯିବ ବୋଲି ପ୍ରଶାସନ ପକ୍ଷରୁ କହାଯାଇଛି। ପ୍ରତିଯୋଗିତାରେ ଅଂଶଗ୍ରହଣ ପାଇଁ ପଞ୍ଜୀକରଣ କରିବାକୁ ଜିଲ୍ଲା ଯୁବ ଅଧିକାରୀଙ୍କ ସହ ଯୋଗାଯୋଗ କରିପାରିବେ।