ଚନ୍ଦ୍ରଗ୍ରହଣ ପାଇଁ ରାତି ୧୨ରୁ ଦ୍ୱାରଫିଟା
୧୦ଟା ୫୫ରୁ ପହୁଡ଼, ବିଳମ୍ବିତ ରାତିରୁ ଆରମ୍ଭ ହେଲା ଡଙ୍ଗା ଭସା
ପୁରୀ : ଚନ୍ଦ୍ରଗ୍ରହଣ ପାଇଁ ସୋମବାର ଦିନ ସଅଳ ଦ୍ୱାରଫିଟା ନୀତି ସମ୍ପନ ହୋଇଛି। ପରେ ଅନ୍ୟାନ୍ୟ ନୀତି ବଢିବା ସହ ବିଳମ୍ବିତ ରାତିରେ ମହାପ୍ରଭୁ ରାଜଧିରାଜ ବେଶ ବା ସୁନାବେଶ ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଆଜି ରାତି ପ୍ରାୟ ୩ଟା ୪୫ରେ ଦ୍ୱାରଫିଟା ନୀତି ସମ୍ପନ୍ନ ହୋଇଥିଲେ ବି ପରବର୍ତ୍ତୀ ସମୟରେ ନୀତିକାନ୍ତିରେ ବିଳମ୍ବ ଦେଖା ଦେଇଥିଲା। ଏଣୁ ସନ୍ଧ୍ୟା ଆଳତି ସହ ଅନ୍ୟାନ୍ୟ ନୀତି ବିଳମ୍ବରେ ହୋଇଥିଲା। ପରେ ନୀତିକାନ୍ତିରେ ସମାୟାନୁବର୍ତ୍ତିତା ଆଣି ସଅଳ ବଡ଼ସିଂହାର ବେଶ ଓ ଭୋଗ କରାଯାଇ ରାତି ୧୦ଟା ୫୫ରେ ରାତ୍ର ପହୁଡ଼ କରାଯାଇଥିଲା। ଏଣୁ ଏହାପୂର୍ବରୁ ଭକ୍ତଙ୍କ ଦର୍ଶନ ବନ୍ଦ କରାଯାଇଥିଲା। ପରେ ୧୨ଟା ୬ରେ ଦ୍ୱାରଫିଟା ହୋଇ ମଙ୍ଗଳବାର ନୀତିକାନ୍ତି ଆରମ୍ଭ କରାଯାଇଥିଲା। ସେହି ଅନୁସାରେ ରୋଷ ଚୁଲି ଲାଗିବା ସହ ଅବଢ଼ା ରନ୍ଧା ଓ ଅନ୍ୟାନ୍ୟ ନୀତି କରାଯାଇଥିଲା। ସେପଟେ ସକାଳୁ ମହାପ୍ରଭୁଙ୍କ ସୁନାବେଶ ଦର୍ଶନ ପାଇଁ ସିଂହଦ୍ୱାରରେ ଭକ୍ତମାନେ ଅପେକ୍ଷାରେ ଥିବା ଦେଖିବାକୁ ମିଳିଥିଲା। ଆଜି ବିଳମ୍ବିତ ରାତିରୁ ପୁରୀ ସମୁଦ୍ର କୂଳ ସହ ବିଭିନ୍ନ ତୀର୍ଥ ପୁଷ୍କରିଣୀରେ ଡଙ୍ଗା ଭସାଯାଉଥିବା ଦେଖିବାକୁ ମିଳିଥିଲା।