‘ଡଟ୍‌ ଫେଷ୍ଟ’ ଉଦ୍‌ଘାଟିତ, ପ୍ରଥମ ସନ୍ଧ୍ୟାରେ ଗୁରୁ ରନ୍ଧାୱାଙ୍କ ଗୀତରେ ଝୁମିଲେ ଦର୍ଶକ

ଭୁବନେଶ୍ବର: ବହୁ ପ୍ରତୀକ୍ଷିତ ‌ମନୋରଂଜନ କାର୍ଯ୍ୟକ୍ରମ ‘ଡଟ୍‌ ଫେଷ୍ଟ’ ରବିବାର  ଆରମ୍ଭ ହୋଇଯାଇଛି। ମରୋନରଂଜନଧର୍ମୀ ଏହି କାର୍ଯ୍ୟକ୍ରମକୁ ମୁଖ୍ୟମନ୍ତ୍ରୀ  ନବୀନ ପଟ୍ଟନାୟକ ଉଦଘାଟନ କରିଛନ୍ତି। ମଞ୍ଚରେ ୫-ଟି ସଚିବଙ୍କ ସହ ବିଡିଏର ଭାଇସ ଚାନ୍ସେଲର ବଲବନ୍ତ ସିଂ, ବିଏମ୍‌ସି ମେୟର ସୁଲୋଚନା ଦାସ, ମନ୍ତ୍ରୀ ଅଶୋକ ପଣ୍ଡା, ଭୁବାନେଶ୍ବର (ଉତ୍ତର) ବିଧାୟକ ଅନନ୍ତ ନାରାୟଣ ଜେନା ପ୍ରମୁଖ ଉପସ୍ଥିତ ଥିଲେ।

ଗୋଟେପଟେ ଭୁବନେଶ୍ୱରରେ ପୁରୁଷ ହକି ବିଶ୍ୱକପ ଆୟୋଜିତ ହୋଇଥିବା ବେଳେ ଡଟ ଫେଷ୍ଟ ଲୋକଙ୍କୁ ସନ୍ଧ୍ୟାରେ ମନୋରଞ୍ଜନର ଖୋରାକ ଯୋଗାଇବ। ସେହି ଲକ୍ଷ୍ୟ ରଖି ଭୁବନେଶ୍ୱର ପ୍ରଦର୍ଶନୀ ପଡ଼ିଆରେ ଆରମ୍ଭ ହୋଇଛି ଡଟ ଫେଷ୍ଟ । ଏଥିରେ ସହରବାସୀ ତଥା ରାଜ୍ୟ ଓ ରାଜ୍ୟ ବାହାରୁ ଆସିଥିବା ଲୋକମାନେ ସନ୍ଧ୍ୟାରେ ମନୋରଞ୍ଜନ କରି ପାରିବେ। ଏଥିପାଇଁ ବିଭିନ୍ନ ଖାଦ୍ୟର ଷ୍ଟଲ ସାଙ୍ଗକୁ ବିଭିନ୍ନ ସେଲିବ୍ରେଟିମାନେ ମଧ୍ୟ ସଂଧ୍ୟାକୁ ରଙ୍ଗା ରଙ୍ଗ କରିଛନ୍ତି । ଉଦଘାଟନୀ ସନ୍ଧ୍ୟାରେ ଗୁରୁ ରନ୍ଧାୱା ନିଜ ଗୀତର ଜଲୱାରେ ଦର୍ଶକଙ୍କୁ ଝୁମେଇଛନ୍ତି ।