ଗଡ଼ପୋଷ: ସମ୍ବଲପୁର ଜିଲ୍ଲାର ଗୋବିନ୍ଦପୁର ଥାନା ଅନ୍ତର୍ଗତ ତାଳଡିହି ଗ୍ରାମରେ ଜମି ବିବାଦକୁ କେନ୍ଦ୍ରକରି ଏକ ଅଭାବନୀୟ ଘଟଣା ଘଟିଛି। ସାନ ଭାଇର ଆକ୍ରମଣରେ ବଡ଼ ଭାଇ ଓ ପୁତୁରାଙ୍କର ମୃତ୍ୟୁ ହେବା ସହ ଭାଉଜ ଗୁରୁତର ଅବସ୍ଥାରେ ସୁନ୍ଦରଗଡ଼ ମେଡିକାଲରେ ଚିକିତ୍ସିତ ହେଉଛନ୍ତି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ ରବିବାର ରାତିରେ ଅଭିଯୁକ୍ତ ସନାତନ ମାଝୀଙ୍କର ନିଜ ବଡ଼ଭାଇ ଦିଲୀପ ମାଝୀଙ୍କ ସହ କଳହ ହୋଇଥିଲା । ଏଥିରେ ଉତକ୍ଷିପ୍ତ ହୋଇ ସନାତନ ବଡଭାଇ ଓ ଭାଉଜ ସରିତାଙ୍କୁ ମଧ୍ୟ ଆକ୍ରମଣ କରିଥିଲେ । ଏହାପରେ ୪ବର୍ଷର ନିଷ୍ପାପ ପୁତୁରା ବିଶ୍ୱରାଜକୁ ମଧ୍ୟ ଆକ୍ରମଣ କରିବାରେ ପଛାଇ ନ ଥିଲେ । ତିନିଜଣ ମୃତ୍ୟୁବରଣ କରିଥିବା ଭାବି ଅଭିଯୁକ୍ତ ୩ଜଣଙ୍କୁ ତାଳଡିହି ଅଙ୍ଗନବାଡି କେନ୍ଦ୍ରର ପାଇଖାନା ଟାଙ୍କିରେ ପକାଇ ଦେଇଥିଲେ।
ଘଟଣା ପ୍ରଘଟ ହେବା ପରେ ପୁଲିସ ପହଞ୍ଚି ଅଭିଯୁକ୍ତକୁ ଅଟକ ରଖି ଘଟଣାର ତଦନ୍ତ କରୁଛି । ତେବେ ବଡ଼ଭାଇ ଓ ପୁତୁରା ମୃତ୍ୟୁବରଣ କରିଥିବା ବେଳେ ଆଶ୍ଚର୍ଯ୍ୟଜନକ ଭାବରେ ଭାଉଜ ଦୁଇଦିନ ଟାଙ୍କିରେ ପଡି ରହିବା ସତ୍ତ୍ୱେ ମୁମୂର୍ଷୁ ଅବସ୍ଥାରେ ଉଦ୍ଧାର ହୋଇଛନ୍ତି । ଉପଖଣ୍ଡସ୍ତରୀୟ ଥାନାଧିକାରୀ ରାଜକିଶୋର ମିଶ୍ର, ଗୋବିନ୍ଦପୁର ଥାନାଧିକାରୀ ପ୍ରତାପ ରଣା ,ଏସ୍ ଆଇ ଥୋମାସ କେର୍କେଟା ଘଟଣାର ଅନୁସନ୍ଧାନ ଜାରି ରଖିଛନ୍ତି।