ଭୁବନେଶ୍ବର : ପ୍ରଫେସର ଡା.ଦତ୍ତେଶ୍ବର ହୋତା ଓଡ଼ିଶା ସ୍ବାସ୍ଥ୍ୟ ବିଜ୍ଞାନ ବିଶ୍ବବିଦ୍ୟାଳୟର ପ୍ରଥମ କୁଳପତି ହୋଇଛନ୍ତି। ଆସନ୍ତା ୧ବର୍ଷ କିମ୍ବା ପରବର୍ତୀ ନିର୍ଦେଶନାମା ପ୍ରକାଶ ପାଇବା ପର୍ଯ୍ୟନ୍ତ ସେ ଏହି ଦାୟିତ୍ବରେ ରହିବେ। ରାଜଭବନ ପକ୍ଷରୁ ଆଜି ଏ ସଂକ୍ରାନ୍ତୀୟ ବିଜ୍ଞପ୍ତି ପ୍ରକାଶ ପାଇଛି। ଡା.ହୋତା ବର୍ତ୍ତମାନ ବିଶ୍ବବିଦ୍ୟାଳୟର ଓଏସ୍ଡିଭାବେ କାର୍ଯ୍ୟ କରୁଥିଲେ।
Sambad is now on WhatsApp
Join and get latest news updates delivered to you via WhatsApp
ଓଡ଼ିଶା ସ୍ବାସ୍ଥ୍ୟ ବିଜ୍ଞାନ ବିଶ୍ବବିଦ୍ୟାଳୟ ଆଇନ ଗତବର୍ଷ ଅଗଷ୍ଟ ୧୫ ତାରିଖରୁ ରାଜ୍ୟରେ ବଳବତ୍ତର ହୋଇଛି। ଏ ସମ୍ବନ୍ଧୀୟ ସଂପୃକ୍ତ ଅଧିନିୟମର ପ୍ରସ୍ତୁତି କାର୍ଯ୍ୟ ତ୍ବରାନ୍ବିତ କରାଯାଇଛି। ଚଳିତମାସ ୫ ତାରିଖରେ ଓଡ଼ିଶା ସ୍ବାସ୍ଥ୍ୟ ବିଜ୍ଞାନ ବିଶ୍ବବିଦ୍ୟାଳୟ ସ୍ଥାପିତ ହୋଇଛି। ଭୁବନେଶ୍ବର ୟୁନିଟ୍-୬ ଗଙ୍ଗନଗର ମୌଜାରେ ଥିବା ୫ଏକର ପରିମିତ ସରକାରୀ ଜମିରେ ବିଶ୍ବବିଦ୍ୟାଳୟର ପ୍ରତିଷ୍ଠା କରାଯିବ। ଏବେ ଶିଶୁଭବନ ଛକ ନିକଟସ୍ଥ ପୁରୁଣା ସିଏମ୍ଜିଆଇ କୋଠାକୁ ନବୀକରଣ କରାଯିବା ସହିତ ଏହି କୋଠାରେ ସାମୟିକ ଭାବରେ ବିଶ୍ବବିଦ୍ୟାଳୟର ଅସ୍ଥାୟୀ କାର୍ଯ୍ୟାଳୟ ଚାଲୁଛି। ଅନ୍ୟାନ୍ୟ ତୃତୀୟ ଓ ଚତୁର୍ଥ ଶ୍ରେଣୀ କର୍ମଚାରୀମାନଙ୍କୁ ଆଉଟସୋର୍ସିଂ ମାଧ୍ୟମରେ ନିଯୁକ୍ତି ଦିଆଯାଇଛି।