ତୃତୀୟ ଲହରର ପ୍ରଭାବ ବେଶୀ ପଡ଼ିବ ନାହିଁ: ସ୍ୱାସ୍ଥ୍ୟ ବିଶେଷଜ୍ଞ ଡାକ୍ତର ନିରଜ ମିଶ୍ର
ଭୁବନେଶ୍ୱର: ତୃତୀୟ ଲହରର ପ୍ରଭାବ ବେଶୀ ପଡିବ ନାହିଁ ଓ ଧୀରେ ଧୀରେ କୋଭିଡର ପ୍ରଭାବ କମିଯିବ | କିଛି ଏଭଳି ଅନୁମାନ କରିଛନ୍ତି ସ୍ୱାସ୍ଥ୍ୟ ବିଶେଷଜ୍ଞ ଡାକ୍ତର ନିରଜ ମିଶ୍ର | ସେ କହିଛନ୍ତି ଯେ କୋଭିଡ ସିଜେନାଲ ଫ୍ଲୁ ଭଳି ରହିବ ଓ ଧିରେ ଧିରେ ପ୍ରଭାବ କମିଯିବ | ତେବେ କୋଭିଡ କଟକଣା ମାନିବାକୁ ପଡିବ ଓ ଟିକାକରଣ ଉପରେ ଗୁରୁତ୍ୱ ଦେବାକୁ ପଡିବ | ସେହିପରି ଡାକ୍ତର ନିରଜ ମିଶ୍ର ଅନୁମାନ ଲଗାଇଛନ୍ତି ଯେ ବର୍ଷ ଶେଷ ବେଳକୁ ସ୍ଥିତି ନିୟନ୍ତ୍ରଣରେ ଆସିଯିବ ଓ ଆଗାମୀ ବର୍ଷ ବେଳକୁ ସ୍ଥିତି ସମ୍ପୂର୍ଣ୍ଣ ଭଲ ହୋଇସାରିଥିବ |
Sambad is now on WhatsApp
Join and get latest news updates delivered to you via WhatsApp
ଅନ୍ୟପଟେ କୋଭିଡ ଟିକା ନେଇଥିଲେ ବି ବୁଷ୍ଟର ଡୋଜ କିଛି ଦେଶରେ ଆରମ୍ଭ ହୋଇଥିବାବେଳେ ସେ କହିଛନ୍ତି ଯେ କିଛି ନିର୍ଦ୍ଦିଷ୍ଟ ବ୍ୟକ୍ତିଙ୍କୁ ବୁଷ୍ଟର ଡୋଜ ନେବାକୁ ପଡିପାରେ | ଅନ୍ୟ ଦେଶରେ ବୁଷ୍ଟର ଡୋଜ ପାଇଁ ପ୍ରକ୍ରିୟା ଆରମ୍ଭ ହେଲାଣି | ଅନ୍ୟପଟେ ରାଜ୍ୟରେ ତୃତୀୟ ଲହର ନେଇ ଡିଏମଇଟି ନିର୍ଦ୍ଦେଶକ ସିବିକେ ମହାନ୍ତି କହିଛନ୍ତି ଯେ ତୃତୀୟ ଲହର ଆସିଲେ ବି ଦ୍ୱିତୀୟ ଲହର ଭଳି ହେବନାହିଁ | । ଯଦି ଭାଇରସ ରୂପ ବଦଳାଏ ତାହା ହେଲେ ପ୍ରଭାବ ଅଧିକ ରହିବ, ଯଦି ରୂପ ନବଦଳାଏ ତେବେ ପ୍ରଭାବ ଏତେ ରହିବ ନାହିଁ । ବିଭିନ୍ନ ମଡେଲ ଭିନ୍ନ ଭିନ୍ନ ଆକଳନ କରୁଛନ୍ତି ।
କେଉଁ ମଡେଲ କହୁଛି ଦେଶରେ ଦିନକୁ ୪ରୁ ୫ଲକ୍ଷ ପଜିଟିଭ ଚିହ୍ନଟ ହେବ । ଆଉ କେଉଁ ମଡେଲ କହୁଛି କି ଏତେ ପ୍ରଭାବ ପଡ଼ିବ ନାହିଁ । କିନ୍ତୁ ଆଇଆଇଟି କାନପୁର ସୂତ୍ର ମଡେଲ କହୁଛି ଓଡ଼ିଶାରେ ତୃତୀୟ ଲହର ବିଶେଷ ପ୍ରଭାବ ରହିବ ନାହିଁ । କିନ୍ତୁ ମଡେଲ ଯାହା କହୁ ସରକାର ସବୁ ଦିଗକୁ ଦୃଷ୍ଟିରେ ରଖି ପଦକ୍ଷେପ ନେଉଛନ୍ତି ବୋଲି କହିଛନ୍ତି ସିବିକେ ମହାନ୍ତି ।