ସଂକ୍ଷେପରେ ଦ୍ରୌପଦୀ…୬୪ ବର୍ଷର ସଂଘର୍ଷ ଓ ସଫଳତାର ଦସ୍ତାବିଜ୍

ଭୁବନେଶ୍ବର : ଆଜି ଦେଶର ୧୫ତମ ରାଷ୍ଟ୍ରପତି ଭାବେ ଶପଥ ଗ୍ରହଣ କରିବେ ଦ୍ରୌପଦୀ ମୁର୍ମୁ। ଓଡ଼ିଆ ଝିଅ ଦ୍ରୌପଦୀ ହେବେ ଦେଶର ପ୍ରଥମ ଆଦିବାସୀ ରାଷ୍ଟ୍ରପତି ତଥା ଦ୍ବିତୀୟ ମହିଳା ରାଷ୍ଟ୍ରପତି। ଏହି ଅବସରରେ ତାଙ୍କ ଜୀବନର ଗୁରୁତ୍ବପୂର୍ଣ୍ଣ ଘଟଣାବଳିର କ୍ରମାନ୍ବୟ ଉପସ୍ଥାପନା।

 ଜନ୍ମ: ୨୦ ଜୁନ୍‌ ୧୯୫୮
 ଜନ୍ମସ୍ଥାନ: ମୟୂରଭଞ୍ଜ ଜିଲ୍ଲା ବାମନଘାଟି ଉପଖଣ୍ତ କୁସୁମୀ ବ୍ଲକ୍ ଉପରବେଡ଼ା ଗ୍ରାମ
 ବାପାମାଆ: ବିରଞ୍ଚି ନାରାୟଣ ମୁର୍ମୁ ଓ ସିନଗୋ ମୁର୍ମୁ
 ଗାଁ ସ୍କୁଲ୍‌ରେ ପ୍ରାଥମିକ ଶିକ୍ଷା ଆରମ୍ଭ
 ୧୯୭୪ ମସିହାରେ ଭୁବନେଶ୍ବରରୁ ମାଟ୍ରିକ୍ ପାସ୍‌
 ରମାଦେବୀ ମହିଳା ମହାବିଦ୍ୟାଳୟରୁ ସ୍ନାତକ ଡିଗ୍ରି ହାସଲ
 ୧୯୭୯ରୁ ୧୯୮୩ ମସିହା ପର୍ଯ୍ୟନ୍ତ ସଚିବାଳୟରେ ଜଳସେଚନ ଓ ଶକ୍ତି ବିଭାଗରେ କିରାଣି ଚାକିରି
 ୧୯୯୪ରୁ ୧୯୯୭ ପର୍ଯ୍ୟନ୍ତ ରାଇରଙ୍ଗପୁର ଶ୍ରୀଅରବିନ୍ଦ ପୂର୍ଣାଙ୍ଗ ଶିକ୍ଷାକେନ୍ଦ୍ରରେ ଶିକ୍ଷାଦାନ

 ଶିକ୍ଷକତା ଛାଡ଼ି ବିଜେପିରେ ଯୋଗଦାନ
 ୧୯୯୭ ମସିହାରେ ରାଇରଙ୍ଗପୁର ଏନ୍‌ଏସିର ୨ ନଂ ୱାର୍ଡରୁ କାଉନ୍‌ସିଲର ଓ ଉପାଧ୍ୟକ୍ଷା ନିର୍ବାଚିତ
 ଦିବଂଗତ ସ୍ବାମୀ ଓ ୨ ପୁଅଙ୍କ ସ୍ମୃତିରେ ଗରିବ ଛାତ୍ରଛାତ୍ରୀଙ୍କ ପାଇଁ ମୟୂରଭଞ୍ଜ ଜିଲ୍ଲା କୁସୁମୀ ବ୍ଲକ୍‌ ପାହାଡ଼ପୁରଠାରେ ବିଦ୍ୟାଳୟ ପ୍ରତିଷ୍ଠା
 ମୟୂରଭଞ୍ଜ ଜିଲ୍ଲା ଉପରବେଡ଼ାଠାରେ ପ୍ରଜାପିତା ବ୍ରହ୍ମକୁମାରୀ ଆଶ୍ରମ ନିର୍ମାଣ
 ୨୦୦୦ ମସିହାରେ ବିଜେପି ଟିକେଟ୍‌ରେ ରାଇରଙ୍ଗପୁର ବିଧାନସଭା ଆସନରୁ ବିଜୟୀ
 ୨୦୦୦ରୁ ୨୦୦୪ ମସିହା ମଧ୍ୟରେ ବାଣିଜ୍ୟ ଓ ପରିବହନ ଏବଂ ମତ୍ସ୍ୟ ଓ ପଶୁ ସମ୍ପଦ ବିଭାଗ ମନ୍ତ୍ରୀ
 ୨୦୦୪ ମସିହାରେ ଦ୍ବିତୀୟ ଥର ବିଧାନସଭାକୁ ନିର୍ବାଚିତ
 ୨୦୧୫ ମସିହାରେ ଝାଡ଼ଖଣ୍ତର ରାଜ୍ୟପାଳ ନିଯୁକ୍ତ
 ୨୧ ଜୁନ୍‌ ୨୦୨୨ରେ ଏନ୍‌ଡିଏର ରାଷ୍ଟ୍ରପତି ପ୍ରାର୍ଥୀ ଘୋଷଣା
 ୨୧ ଜୁଲାଇ ୨୦୨୨ ସଂଧ୍ୟା‌ରେ ରାଷ୍ଟ୍ରପତି ନିର୍ବାଚନରେ ବିଜୟୀ ଘୋଷଣା