ଗୋପ : ଗୋପରେ ଆରମ୍ଭ ହୋଇଛି ତୈଳ ଓ ପ୍ରାକୃତିକ ଗ୍ୟାସ୍ ପାଇଁ ଖନନ କାର୍ଯ୍ୟ। ଦୁଇଟି ଜେସିବି ମେସିନ୍ ସହାୟତାରେ ପ୍ରସ୍ତାବିତ ସ୍ଥାନରେ ବିଭିନ୍ନ ପ୍ରକାର ଚିହ୍ନ ଦେଇ ଅଏଲ ଇଣ୍ଡିଆ ପକ୍ଷରୁ ରବିବାର ଦିନ ଖନନ କାର୍ଯ୍ୟର ଆରମ୍ଭ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
୨୦୧୯ ମସିହାରୁ ଅଏଲ ଇଣ୍ତିଆ କମ୍ପାନି ପକ୍ଷରୁ ଚାଲିଥିବା ସର୍ଭେରୁ ଗୋପ ବ୍ଲକ୍ର ୨ ଟି ପଞ୍ଚାୟତର ଭୂମିତଳେ ତୈଳ ଓ ପ୍ରାକୃତିକ ଗ୍ୟାସ୍ ଥିବା ଜଣାପଡ଼ିଥିଲା। ଏହିକ୍ରମରେ ଜମିମାଲିକମାନଙ୍କୁ ଆବଶ୍ୟକ କ୍ଷତିପୂରଣ ଦିଆଯିବା ପରେ ଆଜିଠାରୁ ଗୋପ ବ୍ଲକ୍ର ଗୋପ ପଞ୍ଚାୟତର କୁଶୁପୁର ଓ ମହଲପଡ଼ା ପଞ୍ଚାୟତର ଚିତ୍ରା ମୌଜାରେ ଥିବା ଜମିରେ ଏହି ତୈଳ ଓ ପ୍ରାକୃତିକ ଗ୍ୟାସ ପାଇଁ ଚିହ୍ନଟ ହୋଇଥିବା ସ୍ଥାନରେ ଖନନ କାର୍ଯ୍ୟଆରମ୍ଭ ହୋଇଛି। ପ୍ରାଥମିକ ସ୍ତରରେ ଅଏଲ ଇଣ୍ତିଆ କମ୍ପାନି ପକ୍ଷରୁ ତୈଳ ପାଇଁ ଯେଉଁଠି ବୋରିଂ କରାଯିବ ସେଠାରେ ଅଏଲ ଲେଖାଥିବା ଏକ ହଳଦିଆ ରଙ୍ଗର ଖୁଣ୍ଟ ପୋତା ଯାଇଛି । ନିକଟରେ ଜେସିବି ଓ ଟ୍ରାକ୍ଟର ସାହାଯ୍ୟରେ ବଡ଼ବଡ଼ ଗର୍ତ୍ତ କରାଯାଉଛି। ବୋରିଂ ସମୟରେ ଯେଉଁ ପାଣି ଓ ବାଲି ନିର୍ଗତ ହେବ ସେଗୁଡ଼ିକ ଖୋଳା ଯାଇଥିବା ଗର୍ତ୍ତରେ ରଖାଯିବ। ଦ୍ରୁତ ଗତିରେ ଏହି କାର୍ଯ୍ୟ ଚାଲିବ ବୋଲି କମ୍ପାନି ପକ୍ଷରୁ ସୂଚନା ମିଳିଛି।