ରାଉରକେଲା : ସୁନ୍ଦରଗଡ଼ ଜିଲ୍ଲାର ବିଶ୍ରାରୁ ରାଉରକେଲାକୁ ଚାଲାଣ ହେଉଥିବା ଗୋମାଂସ ବୋଝେଇ ଅଟୋକୁ ବନ୍ଧମୁଣ୍ଡା ପୁଲିସ ଜବତ କରିଛି l ଘଟଣାସ୍ଥଳରୁ ଚମ୍ପଟ ମାରୁଥିବା ଅଟୋ ଚାଳକ ମହମ୍ମଦ ସାଜିଦ ରେଳଧାରଣାରେ ପଡ଼ି ଗୁରୁତର ଆହତ ହୋଇଛନ୍ତି l ଗୁରୁତର ଅଟୋ ଚାଳକକୁ ପୁଲିସ ଗିରଫ କରି ରାଉରକେଲା ସରକାରୀ ଡାକ୍ତରଖାନାରେ ଭର୍ତ୍ତି କରିଛି l ଜବତ ଗୋମାଂସକୁ ପଶୁ ଚିକିତ୍ସା କର୍ମଚାରୀ ଘଟଣାସ୍ଥଳରେ ପୋତି ଦେଇଥିବା ଜଣାପଡ଼ିଛି l
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ କୁତ୍ରାରୁ ଚରିଟି ପିକଅପ ଭ୍ୟାନରେ ଗୋରୁମାଂସ ବୋଝେଇ ହୋଇ ଝାଡ଼ଖଣ୍ଡ ଚାଲାଣ ହେଉଥିଲାl ଏସଂପର୍କରେ ବଜରଙ୍ଗ ଦଳ କର୍ମୀମାନେ ସୂଚନା ପାଇ ଚାରିଟି ଗାଡ଼ିର ପିଛା କରିଥିଲେ l ବନ୍ଧମୁଣ୍ଡା କୁକୁଡା ରେଳ ଫାଟକ ଅତିକ୍ରମ କରିବା ପରେ ଫାଟକ ପଡ଼ିଯାଇଥିଲା l ବଜରଙ୍ଗ ଦଳ କର୍ମୀମାନେ ନିରାଶ ହୋଇ ସେଠାରୁ ଫେରୁଥିବା ବେଳେ ଗୋମାଂସ ବୋଝେଇ ଅଟୋ ହାବୁଡ଼ରେ ପଡ଼ି ଯାଇଥିଲା l
ବଜରଙ୍ଗ ଦଳ କର୍ମୀମାନଙ୍କୁ ଦେଖି ଚାଳକ ସାଜିଦ ଅଟୋ ଛାଡ଼ି ଖସିଯିବାକୁ ରେଳ ଧାରଣରେ ଦୌଡ଼ୁଥିବା ବେଳେ ତଳେ ପଡ଼ି ବେହୋସ ହୋଇ ପଡ଼ିଥିଲେ l ଗୁରୁତର ସାଜିଦକୁ ବଜରଙ୍ଗ ଦଳର କର୍ମୀମାନେ ଉଦ୍ଧାର କରି ପୁଲିସକୁ ହସ୍ତାନ୍ତର କରିଥିଲେ l