ରାସ୍ତା ଉପରେ ଚଳନ୍ତା କାର୍ ଜଳିଗଲା
ବଲାଙ୍ଗୀର: ବଲାଙ୍ଗୀର-ମହୀମୁଣ୍ଡା ରାସ୍ତାର ପୁଡ଼ାପାଲି ଛକ ନିକଟରେ ବୁଧବାର ଏକ ଚଳନ୍ତା କାର୍ ଜଳିଯାଇଥିଲା। ସୌଭାଗ୍ୟବଶତଃ ଏହାର ଚାଳକ ଅଳ୍ପକେ ରକ୍ଷା ପାଇଯାଇଥିଲେ। ବଲାଙ୍ଗୀର ସହରର ବ୍ୟବସାୟୀ ରୂପେଶ ଅଗ୍ରୱାଲ ନିଜ କାର୍ରେ ତୁଷୁରାକୁ ଯାଉଥିଲେ। ହଠାତ୍ ସର୍ଟସର୍କିଟ ହୋଇ କାର୍ରୁ ଧୂଆଁ ବାହାରିଥିଲା।
Sambad is now on WhatsApp
Join and get latest news updates delivered to you via WhatsApp
କାର୍କୁ ଅଟକାଇ ସେ ଓହ୍ଲାଇ ଯାଇଥିଲେ। ତାପରେ ଗାଡ଼ିଟି ହୁତୁ ହୁତୁ ହୋଇ ଜଳିଯାଇଥିଲା। ଏନେଇ ସେ ଅଗ୍ନିଶମ ବିଭାଗକୁ ଖବର ଦେଇଥିଲେ। ବଲାଙ୍ଗୀର ଅଗ୍ନିଶମ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ। ସେତେବେଳକୁ କାର୍ଟି ଜଳିସାରିଥିଲା।