ଦୁଆରଶୁଣି ଘାଟି ପାଲଟିଛି ମରଣଯନ୍ତା: ବାପ ଓ ପୁଅଙ୍କ ମୁଣ୍ଡ ଉପରେ ମାଡ଼ିଗଲା ଟ୍ରକ

ବାଙ୍ଗିରିପୋଷି: ମୟୂରଭଞ୍ଜଜିଲ୍ଲା ବାଙ୍ଗିରିପୋଷି ଥାନା ଜାତୀୟ ରାଜପଥ ୪୯ ଦୁଆରଶୁଣି ଘାଟି  ମରଣଯନ୍ତା ପାଲଟିଛି। ପ୍ରତ୍ୟେକ ଦିନ ଦୁର୍ଘଟଣା  ଘଟୁଛି। ଅକାରଣରେ ବହୁ ଜୀବନ ଚାଲି ଯାଉଛି ।

ସୋମବାର ସନ୍ଧ୍ୟା ସମୟରେ ଘାଟିରେ ମର୍ମନ୍ତୁଦ ଦୁର୍ଘଟଣା ଘଟିଛି । ବାପ ଓ ପୁଅଙ୍କ ମୁଣ୍ଡ ଉପରେ ମାଡ଼ି ଯାଇଛି ଅଜଣା ଟ୍ରକ। ଘଟଣାସ୍ଥଳରେ ଉଭୟଙ୍କର ମୃତ୍ୟୁ ଘଟିଛି।

ଘଟଣାରୁ ଜଣାଯାଏ  ବହଳଦା  ଥାନା ଖେଜୁରିତାଣ୍ଡି ସୋସୋ ଗ୍ରାମର  ଏମଡି ଲୁକେମାନ  ଓ ପୁଅ  ଏସକେ ସାହିଲ ନିଜ ବୁଲେଟ ମୋଟର ସାଇକେଲ ନଂ ଓଡି୧୧ପି ୬୨୩୨ ଯୋଗେ ବାରିପଦା ଆସୁଥିଲେ।

ଅଧିକ ପଢ଼ନ୍ତୁ: ବଦଳିବ ପାଣିପାଗ,ତାତିରୁ ମିଳିବ ତ୍ରାହି,ଗରମରେ ବ୍ରେକ୍ ଲଗାଇବ କାଳବୈଶାଖୀ

ଦୁଆରଶୁଣି ଘାଟିରେ ଅଜଣା ଟ୍ରକ ସହିତ ଧକ୍କା ହେବାରୁ ଟ୍ରକଟି ଉଭୟଙ୍କ ମୁଣ୍ଡ ଉପରେ ମାଡିଯାଇଥିଲା। ଫଳରେ ଉଭୟ ବାପ ଓ ପୁଅଙ୍କ ଘଟଣାସ୍ଥଳରେ ମୃତ୍ୟୁ ଘଟିଥିଲା।ଦୁର୍ଘଟଣା ଘଟାଇ ଟ୍ରକଟି ଫେରାର ହୋଇଯାଇଛି।  

ବାରିପଦାରୁ ପରିବାର ଲୋକେ ଆସି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ପହଞ୍ଚିଛନ୍ତି। ଘଟଣାସ୍ଥଳରେ ଶୋକାକୁଳ ପରିବେଶ ସୃଷ୍ଟି ହୋଇଛି। ଟ୍ରକଟି କେଉଁ ପଟେ ଯାଇଛି ଜଣାପଡ଼ିନାହିଁ। ବିଶୋଇ, ଝାରପୋଖରିଆ ଓ ବାଙ୍ଗିରିପୋଷି ପୁଲିସ ଟ୍ରକଟିକୁ ଖୋଜୁଛନ୍ତି।

ଅଧିକ ପଢ଼ନ୍ତୁ: ବାରଣ ସତ୍ତ୍ବେ ମନ୍ଦିର ପାଖ ହୋଟେଲରେ ମଦ ପିଇବା ମାଂସ ଖାଇବା ଓରିଙ୍କୁ ମହଙ୍ଗା ପଡ଼ିଲା