ବିନିକା: ମଣ୍ଡପରେ ମା’ଙ୍କ ଅଷ୍ଟମୀ ପୂଜା, ପୀଠରେ ନବମୀ
ବିନିକା: ସୁବର୍ଣ୍ଣପୁର ଜିଲ୍ଲା ବିନିକା ସହର ତଥା ବିଭିନ୍ନ ଗ୍ରାମାଞ୍ଚଳ ଗୁଡ଼ିକରେ ମା’ଦୁର୍ଗାଙ୍କୁ ପୂଜାର୍ଚ୍ଚନା କରାଯାଇଛି। ମଣ୍ଡପରେ ଶନିବାର ଅଷ୍ଟମୀ ପୂଜା କରାଯାଇଥିବା ବେଳେ ପୀଠରେ ନବମୀ ପାଳିତ ହୋଇଛି।
Sambad is now on WhatsApp
Join and get latest news updates delivered to you via WhatsApp
କୋଭିଡ-୧୯ ଯୋଗୁଁ ସରକାରଙ୍କ ଗାଇଡଲାଇନ୍କୁ ସମ୍ମାନ ଜଣାଇ ମା’ଦୁର୍ଗାଙ୍କୁ ପୂଜାର୍ଚ୍ଚନା କରାଯାଇଛି। ପୂଜକ ଶଙ୍କର ପ୍ରଶାଦ ପଣ୍ଡା, ପୀତାମ୍ବର ପୂଜାରୀ ଓ ପୂଜା କ୍ଲବ ଗୁଡ଼ିକ ପୂଜାକାମ ଆଗେଇ ନେଉଛନ୍ତି। ଆଜି ଭଉଣୀମାନେ ଭୋରରୁ ନଦୀ ନାଳମାନଙ୍କୁ ଯାଇ ଗାଧୋଇ ପୂଜାଅର୍ଚ୍ଚନା କରି ଫେରିବା ପରେ ନିଜ ଭାଇର ଶୁଭ ମଙ୍ଗଳ କାମନା କରି ମା’ଙ୍କ ପୂଜା, ସିନ୍ଦୁର, ଚନ୍ଦନ ଟିପା ଓ ଦୁବ ଦେହରେ ଲଗାଇବା ସହ ନୂତନ ବସ୍ତ୍ର ଭାଇମାନଙ୍କୁ ପ୍ରଦାନ କରିଥିଲେ।
ବିନିକା ସହର ପୁରୁଣା ବସଷ୍ଟାଣ୍ଡ, ନୂଆଁବଜାର, ଦୈନିକ ବଜାର, ବେଳପଡ଼ା, ଖଦାଳପଡ଼ା, ଦଣ୍ଡସେନାପଡ଼ା, ଗୁଲାପଡ଼ା ତଥା ଗ୍ରାମାଞ୍ଚଳ ମହାଦେବପାଲି, ଭଣ୍ଡାର – ଉପର ପଡ଼ା ଓ ତଲିପଡ଼ା, ବାଉଁଶୁଣୀ, ସିଲାଟ- ଉପରପଡ଼ା, ତଲିପଡ଼ା, ମୋଘଲା, ସାହାଜବାହାଲ ଆଦି ସ୍ଥାନମାନଙ୍କରେ ଅଷ୍ଟମୀ ପୂଜା ମା’ଙ୍କ ମୃଣ୍ମୟୀ ମୂର୍ତ୍ତି ପୂଜା କରାଯାଉଥିଲା ବେଳେ ନାରାୟଣୀ, ଚରଦେଇ ପୀଠ ଓ ବିଭିନ୍ନ ଗ୍ରାମଦେବୀଙ୍କ ସାଙ୍ଗକୁ ମା’ ଦୁର୍ଗାଙ୍କ ମନ୍ଦିରମାନଙ୍କରେ ନବମୀ ପୂଜା କରାଯାଉଛି।