ନିଜ ଫିଲ୍ମରେ ଅଭିନୟ କରିବାକୁ ଅଭିନେତ୍ରୀଙ୍କ ପାଇଁ ଏହି ସର୍ତ୍ତ ରଖିଲେ ଦୂତୀ ଚାନ୍ଦ !
ମୁମ୍ବାଇ: ଓଡ଼ିଆ ଝିଅ ତଥା ଭାରତର ଦ୍ରୁତତମ ଧାବିକା ଦୂତୀ ଚାନ୍ଦଙ୍କ ଉପରେ ଯଦି ବାୟୋପିକ ଫିଲ୍ମ ନିର୍ମାଣ ହୁଏ ତେବେ କେଉଁ ଅଭିନେତ୍ରୀଙ୍କୁ ପସନ୍ଦ କରିବେ ତାହାର ଖୁଲାସା କରିଛନ୍ତି | ଭାରତୀୟ କ୍ରିକେଟ ଟିମର ପୂର୍ବତନ ଖେଳାଳି ବୀରେନ୍ଦ୍ର ସେହବାଗଙ୍କ ପ୍ରଶ୍ନର ଉତ୍ତର ଦେଇ ଦୂତୀ କହିଛନ୍ତି ଯେ ଯିଏ ବି ଅଭିନୟ କଲେ ବି ଚଳିବ କିନ୍ତୁ ମୋ ଭଳି ଧାଇଁପାରୁଥିବା ଦରକାର | ପ୍ରଥମେ ତାଙ୍କ ସହ ଧାଇଁବା ପରେ ହିଁ ଅଭିନୟ କରିପାରିବେ ବୋଲି ଦୂତୀ କହିଛନ୍ତି |
Sambad is now on WhatsApp
Join and get latest news updates delivered to you via WhatsApp
ଅମିତାଭ ବଚ୍ଚନଙ୍କ ଲୋକପ୍ରିୟ କୁଇଜ୍ ସୋ’ ‘କୌନ ବନେଗା କରୋଡପତି’ର ୧୧ତମ ସିଜନର କର୍ମବୀର ସ୍ୱତନ୍ତ୍ର ଅଧ୍ୟାୟରେ ଦୂତିଙ୍କ ସହ ସେହବାଗ ଓ ଆଥଲେଟ ହିମା ଦାସ ନଜର ଆସିଥିଲେ | ଏହି ତିନିଜଣ ଅମିତାଭଙ୍କ ପ୍ରଶ୍ନର ଉତ୍ତର ଦେଇଥିଲେ | ତେବେ ଏହା ପରେ ସେହବାଗ ହିମା ଓ ଦୂତିଙ୍କୁ କିଛି ପ୍ରଶ୍ନ ପଚାରିଥିଲେ |
ଯଦି ଆପଣଙ୍କ ଉପରେ ବାୟୋପିକ ହୁଏ ତେବେ କେଉଁ ଅଭିନେତ୍ରୀଙ୍କୁ ଆପଣଙ୍କ ଚରିତ୍ରରେ ଦେଖିବାକୁ ପସନ୍ଦ କରିବେ ବୋଲି ସେହବାଗ ପ୍ରଶ୍ନ କରିଥିଲେ | ଏହାର ଉତ୍ତରରେ ଦୂତୀ କହିଥିଲେ ଯେ ଯିଏ ବି ଅଭିନୟ କଲେ ଚଳିବ କିନ୍ତୁ ପ୍ରଥମେ ମୋ ଭଳି ଧାଇଁପାରୁଥିବା ଦରକାର | ଏଠାରେ ସୂଚନା ଥାଉ କି ପୂର୍ବରୁ ଦୂତୀ ତାଙ୍କ ବାୟୋପିକ ପାଇଁ କଙ୍ଗନା ରାଣାବତ ସର୍ବୋତ୍କୃଷ୍ଟ ବୋଲି କହିଥିଲେ |