ହାତୀ ଧକ୍‌କା ହ୍ରାସ କରିବାକୁ ପୂର୍ବତଟ ରେଳପଥର ଯୋଜନା: ହାତୀ ଅନୁପ୍ରବେଶ ଚିହ୍ନଟ ପ୍ରଣାଳୀ ଲାଗୁ ହେବ

ଭୁବନେଶ୍ବର: ପୂର୍ବତଟ ରେଳପଥ ଅଧୀନ ରେଳ ଲାଇନରେ ହାତୀ ମୃତ୍ୟୁ ହ୍ରାସ ଦିଗରେ ପଦକ୍ଷେପ ନିଆଯାଇଛି। ଖୋର୍ଦ୍ଧାରୋଡ୍ ଓ ସମ୍ବଲପୁର ରେଳମଣ୍ଡଳ ପରିସୀମା ମଧ୍ୟରେ ଟ୍ରେନ୍ ଧକ୍କା ହେତୁ ବହୁ ବଣୁଆ ହାତୀଙ୍କ ମୃତ୍ୟୁ ହେଉଛି। ତାହାକୁ ରୋକିବା ପାଇଁ ରେଳପଥ ପକ୍ଷରୁ ହାତୀ ଗତିବିଧି ଅଞ୍ଚଳରେ ଅନୁପ୍ରବେଶ ଚିହ୍ନଟ ପ୍ରଣାଳୀ ସ୍ଥାପନ କରାଯିବ। କେନ୍ଦ୍ର ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ ସମସ୍ତ ଜୋନାଲ୍‌ ରେଳବାଇକୁ ସବୁ କ୍ଷେତ୍ରରେ ଅନ୍ତର୍ଭୂକ୍ତ ବିକାଶ ଦିଗରେ କାର୍ଯ୍ୟ କରିବାକୁ ନିର୍ଦ୍ଦେଶ ଦେଇଛନ୍ତି। କେବଳ ସେତିକି ନୁହେଁ, ହାତୀ ଚଳପ୍ରଚଳ, ଯାତାୟାତ ଅଞ୍ଚଳ ଓ ହାତୀ କରିଡର ଭଳି ସମ୍ବେଦନଶୀଳ ସ୍ଥାନରେ ଅନୁପ୍ରବେଶ ଚିହ୍ନଟ ପ୍ରଣାଳୀ ସ୍ଥାପନ ପାଇଁ ପୂର୍ବତଟ ରେଳପଥ ୭୯.୧୨ କୋଟି ଟଙ୍କା ମଞ୍ଜୁର କରିଛି।

ପ୍ରଥମ ପର୍ଯ୍ୟାୟରେ ସମ୍ବଲପୁର ଓ ଖୋର୍ଦ୍ଧାରୋଡ୍ ରେଳମଣ୍ଡଳ ଅଧୀନରେ ୬ଟି ରେଳ ସେକ୍ସନର ପ୍ରାୟ ୨୦୦ କିମି ରେଳଧାରଣା ପାର୍ଶ୍ବରେ ଏହି ପ୍ରଣାଳୀ କାର୍ଯ୍ୟକାରୀ କରାଯିବ। ଏହି ରେଳ ସେକ୍ସନଗୁଡ଼ିକ ହେଉଛି ମାନେଶ୍ୱର-ବାମୁର, ତୁରେଇକେଲା-ଲଖନା, ଅରାଣ୍ଡ-ଅରଙ୍ଗ ମହାନାଦୀ ଓ ନର୍ଲା-ଥେରୁବାଲି ସମ୍ବଲପୁର ରେଳମଣ୍ଡଳରେ ଏବଂ ଖୋର୍ଦ୍ଧାରୋଡ ରେଳମଣ୍ଡଳ ଅନ୍ତର୍ଗତ କପିଳାସ ରୋଡ-ରାଜ ଆଠଗଡ଼-ଅନୁଗୁଳ, ରମ୍ଭା-ଗଞ୍ଜାମ ଓ ନୟାଗଡ଼-ପର୍ଜନପୁର ରେଳ ସେକ୍ସନ ଅନ୍ତର୍ଭୁକ୍ତ ହୋଇଛି।

ରେଳ ଟ୍ରାକ୍ ଆଡ଼କୁ ଆସୁଥିବା ବଣୁଆ ହାତୀକୁ ଚିହ୍ନଟ କରିବାରେ ଏବଂ ହାତୀ ମୃତ୍ୟୁକୁ ଏଡ଼ାଇବାରେ ରେଳ ଅଧିକାରୀଙ୍କୁ ସତର୍କ କରାଇବାକୁ ଅନୁପ୍ରବେଶ ଚିହ୍ନଟ ପ୍ରଣାଳୀ ସାହାଯ୍ୟ କରିବ। ଅପ୍ଟିକାଲ୍ ଫାଇବରଗୁଡ଼ିକ ସେନ୍ସର ଭାବେ ବ୍ୟବହୃତ ହେବ ଏବଂ ସମ୍ବେଦନଶୀଳ ସ୍ଥାନଗୁଡିକରେ ବନ୍ୟପ୍ରାଣୀଙ୍କ ଗତିବିଧିକୁ ଚିହ୍ନଟ କରିବ। କଣ୍ଟ୍ରୋଲ୍ ଅଫିସ୍, ଷ୍ଟେସନ୍ ମାଷ୍ଟର୍ସ, ଗେଟ୍‌ମ୍ୟାନ୍ ଓ ଲୋକୋ ପାଇଲଟ୍‌ଗୁଡ଼ିକୁ ସଚେତନ କରାଇବ। ଟ୍ରାକ୍‌ରେ ହାତୀମାନଙ୍କର ପ୍ରକୃତ ସମୟର ଉପସ୍ଥିତି ଅନୁଭବ କରିବା ପାଇଁ ଏହା ଏକ ଫାଇବର ଅପ୍ଟିକ୍-ଆଧାରିତ ଆକାଶବାଣୀ ପ୍ରଣାଳୀ ବ୍ୟବହାର କରିବ। ଅନୁପ୍ରବେଶ ଚିହ୍ନଟ ପ୍ରଣାଳୀ ୬୦ କିମି ପର୍ଯ୍ୟନ୍ତ ଅସାଧାରଣ ଗତିବିଧି ଉପରେ ନଜର ରଖିପାରେ। ରେଳ ଭାଙ୍ଗିଯିବା, ରେଳ ଟ୍ରାକ୍ ଉପରେ ଅବରୋଧ ବା ବେଆଇନ ଚଳପ୍ରଚଳ, ରେଳ ଟ୍ରାକ୍ ନିକଟରେ ଅନଧିକୃତ ଖନନ, ଟ୍ରାକ ନିକଟରେ ଭୂସ୍ଖଳନ ଆଦି ଚିହ୍ନଟ କରିବାରେ ଅନୁପ୍ରବେଶ ଚିହ୍ନଟ ପ୍ରଣାଳୀ ସାହାଯ୍ୟ କରିବ।