ବିଷାକ୍ତ ଛତୁ ଖାଇ ୪ ଅସୁସ୍ଥ
ଧର୍ମଶାଳା : ବିଷାକ୍ତ ଛତୁ ଖାଇ ଗୋଟିଏ ପରିବାରର ୪ଜଣ ଅସୁସ୍ଥ ହୋଇଛନ୍ତି। ଧର୍ମଶାଳା ବ୍ଲକ୍ ଅରାବଳ ପଞ୍ଚାୟତ ବାଲିକୁଦା ଗ୍ରାମର ରାଜକିଶୋର ଜେନାଙ୍କ ପତ୍ନୀ ସଂଯୁକ୍ତା(୫୦), ପୁଅ ଆଲୋକ ରଞ୍ଜନ(୧୫), ବିବାହିତା ଝିଅ ପ୍ରିୟଙ୍କା ଜେନା(୨୮) ଓ ନାତି ପ୍ରିୟଞ୍ଜିତ୍ ରାଉତରାୟ(୪)ଙ୍କୁ ଧର୍ମଶାଳା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ପ୍ରକାଶ ଯେ, ନିଜ ବାଡ଼ିରେ ହୋଇଥିବା ଛତୁକୁ ମଧ୍ୟାହ୍ନରେ ରୋଷେଇ କରି ପରିବାର ଲୋକେ ଖାଇଥିଲେ। ଛତୁ ଖାଇବାର କିଛି ସମୟ ପରେ ସଂଯୁକ୍ତା, ଆଲୋକ ଓ ପ୍ରିୟଞ୍ଜିତ୍ ଅସୁସ୍ଥ ହୋଇ ପଡ଼ିଥିଲେ। ପ୍ରିୟଙ୍କା ମଧ୍ୟ ସାମାନ୍ୟ ଅସୁସ୍ଥ ହୋଇଛନ୍ତି। ଚିକିତ୍ସା ପରେ ସେମାନଙ୍କ ସ୍ବାସ୍ଥ୍ୟାବସ୍ଥା ଭଲଥିବା ଜଣାପଡ଼ିଛି।