ଖୋର୍ଦ୍ଧା: ଛାତ୍ରଛାତ୍ରୀମାନଙ୍କ ଗୁଣାତ୍ମକ ଶିକ୍ଷା ନିଶ୍ଚିତ କରିବା ଓ ଗ୍ରାମାଂଚଳରେ ସ୍କୁଲ ଶିକ୍ଷା ପ୍ରତି ସଚେତନତା କରାଇବା ପାଇଁ ଆଜି ସମଗ୍ର ଶିକ୍ଷା ପକ୍ଷରୁ ଏକ ଶିକ୍ଷା ସଚେତନତା ରଥର ଶୁଭାରମ୍ଭ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ସ୍ଥାନୀୟ ବିଜେବି ହାଇସ୍କୁଲ ଠାରେ ଖୋର୍ଦ୍ଧା ବିଧାୟକ ଜ୍ୟୋତିରିନ୍ଦ୍ର ନାଥ ମିତ୍ର ଅତିଥି ଭାବେ ଯୋଗ ଦେଇ ସବୁଜ ପତାକା ଦେଖାଇ ରଥର ଶୁଭାରମ୍ଭ କରିଥିଲେ । ଅନ୍ୟମାନଙ୍କ ମଧ୍ୟରେ ଗୋଷ୍ଠୀ ଶିକ୍ଷାଧିକାରୀ ସଂଧ୍ୟାରାଣୀ ରାଉତ, ବିଜେବି ହାଇସ୍କୁଲର ପ୍ରଧାନ ଶିକ୍ଷକ ଏସ୍କେ ଗୋହର ଅଲ୍ଲୀ, ବିଆରସିସି ସତ୍ୟବାନ ଶ୍ରୀଚନ୍ଦନ, ସହ ଗୋଷ୍ଠୀ ଶିକ୍ଷାଧିକାରୀ ନଳିନୀ ଦେବୀ, ଭରତ ଚନ୍ଦ୍ର ପ୍ରଧାନ ପ୍ରମୁଖ ଯୋଗ ଦେଇଥିଲେ । ଏହି ସଚେତନତା ରଥ ସମ୍ପର୍କରେ ସୂଚନା ଦେଇ ଗୋଷ୍ଠୀ ଶିକ୍ଷାଧିକାରୀ ଶ୍ରୀମତି ରାଉତ କହିଛନ୍ତିଏହି ରଥ ଆସନ୍ତା ୧୩ ତାରିଖ ଯାଏଁ ବ୍ଲକର ବିଭନ୍ନ ଗ୍ରାମାଂଚଳ ବୁଲିବ ।
କରୋନା ମହାମାରୀରେ ୨ ବର୍ଷ ଧରି ସ୍କୁଲ ବନ୍ଦ ଥିଲା । ଅନେକଙ୍କ ସ୍କୁଲ ପ୍ରତି ଆକର୍ଷଣ ହ୍ରାସ ପାଇଛି । ଏହାକୁ ଦୃଷ୍ଟିରେ ରଖି ଛୋଟ ପିଲାଙ୍କ ମଧ୍ୟରେ ସ୍କୁଲ ଶିକ୍ଷା ପ୍ରତି ଆଗ୍ରହ ସୃଷ୍ଟି କରାଇବା ଓ ପିତାମାତାଙ୍କ ମଧ୍ୟରେ ସଚେତନତା ସୃଷ୍ଟି କରିବା ଉଦେ୍ଦଶ୍ୟରେ ଏହି ରଥ ଆରମ୍ଭ କରାଯାଇଛି ।
କାର୍ଯ୍ୟକ୍ରମକୁ ସିଆରସିସି ଯୁଧିଷ୍ଠିର ସାହୁ, ରବି ନାରାୟଣ ପଣ୍ଡା, ରବି ପ୍ରଧାନ, ଧ୍ରୁବ ଚରଣ ରଣା, ଅମୀୟ କୁମାର ପରିଡ଼ଶ ପ୍ରମୁଖ ପରିଚାଳନାରେ ସହଯୋଗ କରିଥିଲେ ।