ଅଣ୍ଡା ଦର ଯୋଗୁଁ ଦୋକାନୀ ଓ ଗ୍ରାହକଙ୍କ ମଧ୍ୟରେ ବଚସା: ଗ୍ରାହକଙ୍କୁ ପିଟି ପିଟି ମାରିଦେଲେ ଦୋକାନୀ

ଧର୍ମଶାଳା: ଗୁରୁବାର ସକାଳେ ବାଟିଜଙ୍ଗା ରେଳଧାରଣା ପାଖରୁ ଜଣେ ଯୁବକଙ୍କ ଶବ ଉଦ୍ଧାର କରାଯାଇଛି।

ମୃତ ଯୁବକ ହେଉଛନ୍ତି ଜାରକା ଗ୍ରାମପଞ୍ଚାୟତ ଅଞ୍ଚଳର ଜାଲସୁଖା ଗ୍ରାମ ଅନ୍ତର୍ଗତ ଟିକରସାହିର ଗୁନା ବେହେରାଙ୍କ ୨୨ ବର୍ଷିୟ ପୁଅ ଚନ୍ଦନ।
ଗତ ରାତିରେ ଆରୁହା ହାଟରେ ଅଣ୍ଡା କିଣି ଖାଇବା ପରେ ଅଧିକ ମୂଲ୍ୟକୁ ଭିତ୍ତି କରି ଦୋକାନୀ, ଚନ୍ଦନ ଓ ତାଙ୍କ ସହ ଥିବା ଗାଁ ପିଲା ମାନସ ଦେହରୀଙ୍କ ମଧ୍ୟରେ ବିବାଦ ହୋଇଥିଲା। ପରେ ପରେ ଅନ୍ୟ ଦୋକାନୀମାନେ ମିଶି ଚନ୍ଦନ ଓ ମାନସଙ୍କୁ ମାରଧର କରିଥିଲେ। ଚନ୍ଦନଙ୍କୁ ଧରି ନେଇ ପୋଖରୀରେ ବୁଡ଼ାଇବା ପରେ ବାଟିଜଙ୍ଗା ରେଳଧାରଣା ନିକଟରେ ଫୋପାଡ଼ି ଦେଇଥିଲେ।

ଆଜି ସକାଳୁ ତାଙ୍କ ପରିବାର ଲୋକେ ଚନ୍ଦନଙ୍କ ଶବ ଉଦ୍ଧାର କରି ଧର୍ମଶାଳା ଡାକ୍ତରଖାନାକୁ ଆଣିଛନ୍ତି।

ପୁଲିସ ଘଟଣାର ତଦନ୍ତ ଆରମ୍ଭ କରିଛି।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

ସମ୍ବନ୍ଧିତ ଖବର

Comments are closed.