ମାଟିତଳୁ ମିଳିଲା ୭ ଝୁଡ଼ି କଉଡ଼ି
ରଣପୁର: ରଣପୁର ବ୍ଲକ୍ ଅନ୍ତର୍ଗତ ତାଳକଣି ପଞ୍ଚାୟତ ଅଧୀନ ନଚ୍ଛିପୁର ଗାଁ’ରେ ଏକ ରୋଚକ ଘଟଣା ଦେଖିବାକୁ ମିଳିଛି। ଏହି ଗାଁ’ ର ଜଣଙ୍କ ନୂଆ ଘର ନିଅଁ ଖୋଳାଯାଉଥିବା ସମୟରେ ମାଟି ତଳୁ ୭ ଝୁଡ଼ିରୁ ଅଧିକ କଉଡ଼ି ମିଳିଥିବା ଜଣାଯାଇଛି।
Sambad is now on WhatsApp
Join and get latest news updates delivered to you via WhatsApp
ଖବର ନେବାରେ ଜଣାଯାଇଛି ନଚ୍ଛିପୁର ଗାଁ’ର ନାରାୟଣ ସାହୁଙ୍କ ପୂରୁଣା ଘର ଭାଙ୍ଗି ନୂଆ ଘର ନିର୍ମାଣ ନିମନ୍ତେ ନିଅଁ ଖୋଳା ହେଉଥିଲା। ୪ ଫୁଟ ମାଟି ଖୋଳା ହେବା ପରେ ମାଟିର ଏକ ବଡ଼ ହାଣ୍ତି ବାହାରିଥିଲା। ଏହି ହାଣ୍ତିରୁ ୭ ଝୁଡିରୁ ଅଧିକ କଉଡି ବାହାରିଥିଲା।
ଅପରପକ୍ଷରେ, ପୁରାତନ କାଳରେ ଏହି କଉଡ଼ିକୁ ଲୋକେ ନିତ୍ୟ ବ୍ୟବହାର୍ଯ୍ୟ ଖର୍ଚ୍ଚ ପାଇଁ ବ୍ୟବହାର କରୁଥିଲେ। ମାଟିତଳୁ କଉଡ଼ି ବାହାରିବା ନେଇ ଅଞ୍ଚଳରେ ବିଭିନ୍ନ ଚର୍ଚ୍ଚା ହେଉଛି।