ଶେଷ ହେଲା ନିର୍ବାଚନ: ସନ୍ଧ୍ୟା ସୁଦ୍ଧା ୬୭.୫% ମତଦାନ
୩ ଅଧିକାରୀ ନିଲମ୍ବିତ, କାର୍ଯ୍ୟାନୁଷ୍ଠାନ ହେବ, ‘ଫନି’ ପାଇଁ ଷ୍ଟ୍ରଙ୍ଗରୁମ ସୁରକ୍ଷା ନିର୍ଦ୍ଦେଶ
ଭୁବନେଶ୍ବର: ଇଭିଏମରେ ବ୍ୟାପକ ତ୍ରୁଟି, ଏକାଧିକ ସ୍ଥାନରେ ବୁଥ୍ ରିଗିଂ ଅଭିେଯାଗ, ଗଣ୍ଡଗୋଳ ଓ ହିଂସାକାଣ୍ଡ ସହିତ ରାଜ୍ୟର ଚତୁର୍ଥ ପର୍ଯ୍ୟାୟ ନିର୍ବାଚନ େଶଷ େହାଇଛି। ପ୍ରଚଣ୍ଡ ତାତି ସତ୍ତ୍ବେ ସନ୍ଧ୍ୟା ୭ଟା ସୁଦ୍ଧା ୬୭.୫% ମତଦାତା ଗଣତନ୍ତ୍ରର ଏହି ମହାପର୍ବରେ ସାମିଲ େହାଇ ତାଙ୍କର ନିଷ୍ପତ୍ତି େଦଇଛନ୍ତି। ମତଦାନ ହାର ଆହୁରି ବଢିପାରେ। ଆସନ୍ତା େମ’ ୨୩ ତାରିଖରେ ନିର୍ବାଚନ ଫଳାଫଳ ପ୍ରକାଶ ପରେ ୩୮୮ ପ୍ରାର୍ଥୀଙ୍କ ମଧ୍ୟରୁ େଭାଟର କାହାକୁ ବାଛିଲେ, କାହାକୁ ପ୍ରତ୍ୟାଖ୍ୟାନ କଲେ ତାହା ଜଣାପଡିବ। ଆଜି କିନ୍ତୁ ଏ ସମସ୍ତ ପ୍ରାର୍ଥୀଙ୍କ ଭାଗ୍ୟ ଇଭିଏମରେ ସିଲ୍ େହାଇଛି। ଅନ୍ୟପକ୍ଷରେ ଏକ ଅଭାବନୀୟ ଘଟଣା କ୍ରମରେ ରାଜ୍ୟ ନିର୍ବାଚନ ଅଧିକାରୀ ସୁରେନ୍ଦ୍ର କୁମାର ଦୁଇ ଜଣ ପ୍ରିଜାଇଡିଂ ଅଫିସର ଓ ଜଣେ ଚତୁର୍ଥ େପାଲିଂ ଅଫିସରଙ୍କୁ ନିଲମ୍ବନ କରିଛନ୍ତି। ସଂପ୍ରତି ଆସନ୍ତା ୪ ତାରିଖ େବଳକୁ ବାତ୍ୟା ‘ଫନି’ର ବଡ଼ ପ୍ରଭାବ ଓଡ଼ିଶା ଉପରେ ପଡୁଥିବା ପରିପ୍ରେକ୍ଷୀରେ ନିର୍ବାଚନ କମିସନଙ୍କ ପକ୍ଷରୁ ତତ୍ପରତା ପ୍ରକାଶପାଇଛି। ପୋଲିଂ ପାର୍ଟି ଫେରିବା ପରେ ମତଦାନ ରେକର୍ଡ଼ କରାଯାଇଥିବା ଇଭିଏମ ଗୁଡ଼ିକ ଯେପରି ସୁରକ୍ଷିତ ଭାବେ ଷ୍ଟ୍ରଙ୍ଗ ରୁମରେ ରଖାଯିବ ସେଥିପାଇଁ ସାମ୍ଭାବ୍ୟ ପ୍ରଭାବିତ ଜିଲ୍ଲାର ରିଟର୍ଣ୍ଣିଂ ଅଧିକାରୀ ଓ ଜିଲ୍ଲାପାଳଙ୍କୁ ଆବଶ୍ୟକ ନିର୍ଦ୍ଦେଶ ମୁଖ୍ୟ ନିର୍ବାଚନ ଅଧିକାରୀ ଦେଇଛନ୍ତି। ଏହାସହିତ ବାତ୍ୟାକୁ ଦୃଷ୍ଟିରେ ରଖି ପ୍ରସ୍ତାବିତ ୧୨ଟି ପୋଲିଂ ବୁଥରେ ଆସନ୍ତା ୫ କିମ୍ବା ୬ ତାରିଖ ପୂର୍ବରୁ ସାନି ମତଦାନ ନକରିବାକୁ ମଧ୍ୟ ଭାରତ ନିର୍ବାଚନ କମିସନଙ୍କୁ ସିଇଓ ଜଣାଇଥିବା କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସୋମବାର ଅନୁଷ୍ଠିତ ଭୋଟଗ୍ରହଣ ନେଇ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୁରେନ୍ଦ୍ର କୁମାର କହିଛନ୍ତି, ସନ୍ଧ୍ୟା ୫ଟା ସୁଦ୍ଧା ଭଦ୍ରକ ସଂସଦୀୟ ନିର୍ବାଚନମଣ୍ଡଳୀରେ ୬୮% ମତଦାନ ହୋଇଛି। ମୟୁରଭଞ୍ଜରେ କିନ୍ତୁ ଏହି ହାର ୬୬%, ଯାଜପୁରରେ ୬୫%, କେନ୍ଦ୍ରାପଡ଼ାରେ ୬୫%, ଜଗତସିଂହପୁରରେ ୬୪% ଓ ବାଲେଶ୍ବରରେ ୬୪% ରହିଛି। ଯାଜପୁର ଜିଲ୍ଲାର ବିଞ୍ଝାରପୁର ବିଧାନସଭା ନିର୍ବାଚନମଣ୍ଡଳୀର ୨ଟି ବୁଥରେ ୨ଜଣ ପ୍ରିଜାଇଡିଂ ଅଫିସର ବେଆଇନ ଭାବେ ଭୋଟିଂ ପ୍ରକୋଷ୍ଠକୁ ଯାଇ ମତଦାନ ପ୍ରକିୟାକୁ ପ୍ରଭାବିତ କରିଥିବା ନେଇ ପ୍ରାରମ୍ଭିକ ପ୍ରମାଣ ମିଳିବା ପରେ ତତ୍କାଳ ସେ ଦୁହିଁଙ୍କୁ ନିଲମ୍ବନ କରାଯାଇଛି। ବିଞ୍ଝାରପୁର ବିଧାନସଭା ନିର୍ବାଚନମଣ୍ଡଳୀର ବୁଥ ନମ୍ବର ୧୯୧ର ପ୍ରିଜାଇଡିଂ ଅଫିସର ବୈକୁଣ୍ଠନାଥ ମଲ୍ଲିକ ଓ ସେହି ନିର୍ବାଚନମଣ୍ଡଳୀର ବୁଥ୍ ନମ୍ବର ୧୩୫ର ପ୍ରିଜାଇଡିଂ ଅଫିସର ଧୀରେନ୍ଦ୍ର ତ୍ରିପାଠୀ ଭୋଟରଙ୍କୁ ସହାୟତା କରିବାକୁ ଯାଇ ଭୋଟିଂ ପ୍ରକୋଷ୍ଠ ଭିତରକୁ ଯାଇଥିଲେ। ଏପରି ଦାୟିତ୍ବହୀନ କାର୍ଯ୍ୟ ପାଇଁ ସେମାନଙ୍କୁ ତତକ୍ଷଣାତ ନିଲମ୍ବନ କରାଯାଇଛି। ସେହିପରି ସୁକିନ୍ଦା ବିଧାନସଭା ନିର୍ବାଚନମଣ୍ଡଳୀର ପୋଲିଂ ବୁଥ ନମ୍ବର ୧୯୬ର ଚତୁର୍ଥ ପୋଲିଂ ଅଧିକାରୀ ଜନାର୍ଦ୍ଦନ ପୃଷ୍ଟି ଜଣେ ଭୋଟରଙ୍କୁ ସହାୟତା କରିବାକୁ ଯାଇ ଭୋଟିଂ ପ୍ରକୋଷ୍ଠକୁ ଚାଲିଯାଇଥିବାରୁ ନିଲମ୍ବିତ ହୋଇଛନ୍ତି। ଏ ୩ ଜଣ ନିଲମ୍ବିତ ଅଧିକାରୀଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ବି ନିଆଯିବ। ନିୟମାନୁଯାୟୀ କୌଣସି ବି ପରିସ୍ଥିତିରେ ଜଣେ ଭୋଟରଙ୍କୁ ସହାୟତା କରିବାକୁ ଯାଇ ଜଣେ ପୋଲିଂ ଅଧିକାରୀ କିମ୍ବା ପ୍ରିଜାଇଡିଂ ଅଫିସର ଭୋଟିଂ ପ୍ରକୋଷ୍ଠକୁ ଯାଇପାରିବେ ନାହିଁ। ବୁଥ ରିଗିଂ ନେଇ ଯାହା ଗଣମାଧ୍ୟମରେ ଖବର ପ୍ରକାଶ ପାଉଛି, ସେ ନେଇ ଜିଲ୍ଲା ରିଟର୍ଣ୍ଣିଂ ଅଧିକାରୀ, ସେକ୍ଟର ଅଫିସର ଓ ବୁଥ ପ୍ରିଜାଇଡିଂ ଅଫିସରଙ୍କ ଡାଏରି ତର୍ଜମା କରିବା ପରେ ଯାଇ ନିଷ୍ପତ୍ତି ନିଆଯିବ। ଉଲ୍ଲେଖଯୋଗ୍ୟ, ଓଡ଼ିଶାରେ ୪ଟି ପର୍ଯ୍ୟାୟ ନିର୍ବାଚନ ପାଇଁ ତାରିଖ େଘାଷଣା େହାଇଥିଲା। ଆଜି େଶଷ ପର୍ଯ୍ୟାୟରେ ୬ଟି େଲାକସଭା ଅନ୍ତର୍ଗତ ୪୧ ବିଧାନସଭା ଆସନ ଲାଗି ମତଦାନ କାର୍ଯ୍ୟକ୍ରମ େଶଷ େହାଇଛି। ପାଟକୁରା ବିଧାନସଭା ଆସନରେ ଆସନ୍ତା େମ’ ୧୯ ତାରିଖରେ େଭାଟଗ୍ରହଣ େହବ। ପୂର୍ବରୁ ଏପ୍ରିଲ ୧୧, ୧୮ ଓ ୨୩ ତାରିଖରେ ୧୫ େଲାକସଭା ଅନ୍ତର୍ଗତ ୧୦୫ ବିଧାନସଭା ଆସନରେ େଭାଟଗ୍ରହଣ େଶଷ େହାଇଥିଲା।