ଆସନ୍ତା ୧୬ରୁ ରାଜ୍ୟର ବିଭିନ୍ନ ଅଞ୍ଚଳରେ ବକେୟା ବିଲ୍ ପୈଠ କରି ନ ଥିବା ଗ୍ରାହକଙ୍କର ବିଦ୍ୟୁତ୍‌ ସଂଯୋଗ କଟାଯିବ: ସେସୁ

ଭୁବନେଶ୍ବର:  ଆସନ୍ତା ୧୬ ତାରିଖରେ ବକେୟା ବିଦ୍ୟୁତ ବିଲ୍ ପୈଠ କରି  ନଥିବା ଗ୍ରାହକଙ୍କ ଘରୁ  ବିଦ୍ୟୁତ୍‌ ସଂଯୋଗ ବିଚ୍ଛିନ୍ନ କରାଯିବ। ସେସୁ କମର୍ସର ସିନିୟର ଜେନେରାଲ ମ୍ୟାନେଜର ମନୋଜ ସିଂ ଏହା ମଙ୍ଗଳବାର ଏହା ସ୍ପଷ୍ଟ କରିଛନ୍ତି । ଯେଉଁ ବ୍ୟାବସାୟିକ ଓ ଘରୋଇ ଉପଭୋକ୍ତାଙ୍କର  କ୍ଷମତା ଅଛି ହେଲେ ବିଲ ଦେଉନାହାନ୍ତି  ପ୍ରଥମେ ସେମାନଙ୍କର ବିଦ୍ୟୁତ ବିଚ୍ଛିନ୍ନ କରାଯିବ। ନୋଟିସ୍ ଜାରି ହୋଇଥିବା ଗ୍ରାହକମାନେ ଦୁଇ ଦିନ ଭିତରେ ବକେୟା ବିଲ୍‌ ପୈଠ ନ କେଲେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସେସୁ ପକ୍ଷରୁ କୁହାଯାଇଛି। ପ୍ରଥମେ ଡିସେମ୍ବର ୨୦ ତାରିଖରେ ଏ ନେଇ ସୂଚନା ଦିଆଯାଇଥିଲା।  ଚଳିତବର୍ଷ ଜାନୁଆରି ୧୬ରୁ ଫେବ୍ରୁଆରି ୫ ତାରିଖ ଯାଏ ବିଦ୍ୟୁତ ସଂଯୋଗ ବିଚ୍ଛିନ୍ନ କାର୍ଯ୍ୟ ଜାରି ରହିବ।

ଏଥିଲାଗି  ୯ଟି ଜିଲ୍ଲାରେ ସେସୁ କର୍ମଚାରୀ କାମ କରିବେ।  ଏହି କାର୍ଯ୍ୟ କରିବାକୁ  ସମୁଦାୟ ୧୧୩୯୭ ଗ୍ରାମ ପାଇଁ ୪୧୩ଟି ସ୍କ୍ବାର୍ଡ ଗଠନ କରାଯାଇଛି । ଦିନକୁ ୩ରୁ ୪ଟି ଗାଁକୁ  ସ୍କ୍ବାଡ ବୁଲିବେ ବୋଲି ଜାଣିବାକୁ ମିଳିଛି। ତେବେ ପୂରା ଗାଁରେ ଏହି ବିଦ୍ୟୁତ୍‌ ସଂଯୋଗ ବିଚ୍ଛିନ୍ନ କରାଯିବ ନାହିଁ।  ଯେଉଁ ଘର ସବୁ ବିଲ୍ ଦେଇ ନ ଥିବେ ସେମାନଙ୍କର ହିଁ ବିଦ୍ୟୁତ ସଂଯୋଗ କାଟି ଦିଆଯିବ ।

ପୂର୍ବରୁ ବିଦ୍ୟୁତ ବିଲ ପୈଠ ନ କଲେ ୧୬ ତାରିଖରୁ ବିଦ୍ୟୁତ କାଟ ହେବ ବୋଲି ସେସୁ ଘୋଷଣା କରିଥିଲା । ଏହାକୁ ନେଇ ବିବାଦ ବି ଦେଖା ଦେଇଥିଲା । ବିରୋଧୀ ଦଳଗୁଡିକ ବିଦ୍ୟୁତ କାଟ ହେଲେ ଆନ୍ଦୋଳନ କରିବେ ବୋଲି ଧମକ ବି ଦେଇଛନ୍ତି । ଏହାମଧ୍ୟରେ ୧୬ ତାରିଖରୁ ବିଦ୍ୟୁତ କାଟ ହେବ ବୋଲି ସେସୁ ଆଜି ସ୍ପଷ୍ଟ କରିଦେଇଛି । ଉଲ୍ଲେଖଯୋଗ୍ୟ, ବକେୟା ବିଦ୍ୟୁତ ବିଲ୍ ପୈଠ ନ କଲେ ‘ସେସୁ’ର ବିଦ୍ୟୁତ୍ ସଂଯୋଗ ବିଚ୍ଛିନ୍ନ ନିଷ୍ପତ୍ତିକୁ ନେଇ କଂଗ୍ରେସ ବିଧାୟକ ସୁର ରାଉତରାୟ ନିକଟରେ ଚେତାବନୀ ଦେଥିଲେ। ସେ କହିଥିଲେ ଯେ, ଯଦି ବିଦ୍ୟୁତ୍ ସଂଯୋଗ ବିଚ୍ଛିନ୍ନ ହେବ, ତା’ହେଲେ ରାଜରାସ୍ତାରେ ନିଆଁ ଜଳିବ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

ସମ୍ବନ୍ଧିତ ଖବର

Comments are closed.