ଅବ୍ୟବସ୍ଥା ଘେରରେ ମେଡିକାଲ କଲେଜ; ୪ଦିନ ହେଲା ଅନ୍ଧାରରେ ଛାତ୍ରଛାତ୍ରୀ, ବିଦ୍ୟୁତ ଅଭାବରୁ ପାଣି ସଂକଟ Latestକୋରାପୁଟଜିଲ୍ଲା By Sambad Digital Last updated Jun 23, 2022 ସେୟାର କୋରାପୁଟ: କୋରାପୁଟସ୍ଥିତ ସହିଦ ଲକ୍ଷ୍ମଣ ନାୟକ ମେଡିକାଲ କଲେଜରେ ନାହିଁ ନ ଥିବା ସମସ୍ୟା। ଆଜିକୁ ୩ଦିନ ହେବ ବିଦ୍ୟୁତ ଯୋଗାଣ ବ୍ୟାହତ ହୋଇଛି । ଯାହାଦ୍ୱାରା ଅନ୍ଧାରରେ ରହିବା ସହ ପାଣିର ସମସ୍ୟା ଭୋଗୁଛନ୍ତି ହଷ୍ଟେଲରେ ରହୁଥିବା ଡାକ୍ତରୀ ଛାତ୍ରଛାତ୍ରୀ । ସମସ୍ୟା ଏଠି ପିଛା ଛାଡୁନି । ପୂର୍ବରୁ ବି ଏପରି ସମସ୍ୟା ଦେଖାଦେଇଥିଲା, ଯାହାର ସ୍ଥାୟୀ ସମାଧାନ କରିବା ପରିବର୍ତ୍ତେ ଅସ୍ଥାୟୀ ଭାବେ ସୁଧାର ଆଣିଥିଲେ କର୍ତ୍ତୃପକ୍ଷ । କିନ୍ତୁ କିଛି ଦିନ ପରେ ପୁଣି ସେହି ଅବସ୍ଥା । ଏହାକୁ ନେଇ ଅନେକ ଛାତ୍ରଛାତ୍ରୀ ଟୁଇଟ ମାଧ୍ୟମରେ ସରକାର ଏବଂ ବିଭାଗୀୟ କର୍ତୁପକ୍ଷଙ୍କୁ ଜଣାଇଛନ୍ତି । ହେଲେ ଘଣ୍ଟେ କିମ୍ବା ଦିନେ ନୁହେଁ ଦୀର୍ଘ ୩ଦିନ ହେଲାଣି କିପରି ରହୁଛନ୍ତି ଓ ପାଠ ବି ପଢୁଛନ୍ତି ଏହାକୁ ନେଇ ପ୍ରଶ୍ନ ଉଠାଉଛନ୍ତି ଅନ୍ତେବାସୀ । Sambad is now on WhatsApp Join and get latest news updates delivered to you via WhatsApp Join Now ତେବେ ମେଡିକାଲ କଲେଜ ଅଧିକ୍ଷକ କୃଷ୍ଣଚନ୍ଦ୍ର ବିଶ୍ୱାଳ ବିଦ୍ୟୁତ ସମସ୍ୟାକୁ ସ୍ବୀକାର କରିବା ସହ ମରାମତି କାମ ଚାଲୁ ରହିଛି ବୋଲି କହିଛନ୍ତି । ଟ୍ରାନ୍ସଫରମର ମଇଶ୍ଚର ହୋଇଯାଇଥିବାରୁ କଲେଜରେ ବିଦ୍ୟୁତ ସରବରାହ ବନ୍ଦ ରହିଛି । ଯେହେତୁ ଉନ୍ନତ ମାନର ଓ ଅତ୍ୟଧିକ ଜ୍ଞାନ କୌଶଳ ବ୍ୟବହାର ହୋଇଥିବା ଟ୍ରାନ୍ସଫରମର ମେଡିକାଲରେ ଲାଗିଛି ତେଣୁ ତାକୁ ମରାମତି କରିବା ପାଇଁ ଜୟପୁରରୁ ଟେକ୍ନିସିଆନ ଆସିଛନ୍ତି । ମରାମତି ଚାଲିଛି ଶୁକ୍ରବାର ସଂନ୍ଧ୍ୟା ସୁଦ୍ଧା ସମାଧାନ ହୋଇଯିବ ବୋଲି ସେ କହିଛନ୍ତି । ହଷ୍ଟେଲରେ ରହୁଥିବା ପିଲାମାନଙ୍କୁ ମଧ୍ୟ ୨ଘଣ୍ଟା ଲେଖାଏଁ କରେଣ୍ଟ ଦିଆଯାଉଥିବା ସେ କହିଛନ୍ତି ।