ଗାତରେ ଖସି ପଡ଼ିଲା ହାତୀଛୁଆ, ୩ ଘଣ୍ଟା ପରେ ଉଦ୍ଧାର ହେଲା
ନର୍ଲା : କଳାହାଣ୍ଡି ଜିଲ୍ଲା ନର୍ଲା ରେଞ୍ଜ୍ ଡଙ୍ଗରତଳପଡ଼ା ନିକଟସ୍ଥ ଲମଟିଡୁଙ୍ଗୁରି ଓ କରାଡୁଙ୍ଗୁରି ମଝିରେ ଥିବା ପାଣିଥିବା ଗାତରୁ ଏକ ହାତୀଛୁଆକୁ ରବିବାର ଦିନ ବନବିଭାଗ ଉଦ୍ଧାର କରିଛି। ୫ରୁ ୭ ବର୍ଷର ହାତୀଛୁଆଟି ଭୋର୍ ସମୟରେ ହାତୀପଲ ସହ ଆସି ଖସିପଡ଼ିଥିବା ଅନୁମାନ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ରବିବାର ସକାଳେ ସ୍ଥାନୀୟ ଲୋକେ ହାତୀଛୁଆଟି ଗାତ ଭିତରେ ପଡ଼ିଥିବା ଦେଖି ନର୍ଲା ବନବିଭାଗକୁ ଖବର ଦେଇଥିଲେ। ବନବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ପ୍ରାୟ ୩ ଘଣ୍ଟା ଧରି ଜେସିବି ସାହାଯ୍ୟରେ ମାଟି କାଢ଼ି ରାସ୍ତା କରିଥିଲେ। ରାସ୍ତା କଲାପରେ ହାତୀଛୁଆଟି ବାହାରି ଜଙ୍ଗଲକୁ ଚାଲିଯାଇଥିଲା।