ସମ୍ବଲପୁର : ଆଜି ବିଶ୍ୱ ହାତୀ ଦିବସ ପାଳନ କରାଯାଉଥିବାବେଳେ ଓଡ଼ିଶାରେ ଏକ ହାତୀ ମୃତ୍ୟୁବରଣ କରିଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ ସମ୍ବଲପୁର ଜିଲ୍ଲା ଯୁଯୁମୁରା ବ୍ଲକ ଧମା ବନାଞ୍ଚଳ ଅଧିନସ୍ଥ ଦିଗଝରଣ ଗ୍ରାମରେ ଏହି ଘଟଣା ଘଟିଛି । ଗ୍ରାମବାସୀମାନେ ଆଜି ଏକ ହାତୀର ମୃତଦେହ ପଡ଼ିଥିବା ଦେଖିବା ପରେ ବନବିଭାଗକୁ ଖବର ଦେଇଛନ୍ତି । ତେବେ ଖବର ଲେଖାହେବା ବେଳକୁ କେବଳ ଜଣେ ଫରେଷ୍ଟ ଗାର୍ଡଙ୍କ ବ୍ୟତୀତ ବନ ବିଭାଗର ଅନ୍ୟ କୌଣସି ବରିଷ୍ଠ ଅଧିକାରୀ ଘଟଣା ସ୍ଥଳରେ ପହଞ୍ଚିନଥିବା ଜଣାପଡ଼ିଛି ।
ଏହି ହାତୀ ଗତ କିଛି ଦିନ ହେଲା ଅସୁସ୍ଥ ହୋଇ ଜଙ୍ଗଲରେ ଘୁରିବୁଲୁଥିବା ଗ୍ରାମବାସୀମାନେ ଦେଖିଥିଲେ । ଏ ସଂପର୍କରେ ୩ ଦିନ ତଳେ ବନ ବିଭାଗକୁ ଖବର ଦେଇଥିଲେ । କିନ୍ତୁ ବନ ବିଭାଗ ଏନେଇ କୌଣସି ପଦକ୍ଷେପ ନେଇନଥିବାରୁ ହାତୀ ମୃତ୍ୟୁବରଣ କରିଥିବା ଗ୍ରାମବାସୀ ଅଭିଯୋଗ କରିଛନ୍ତି । ତେବେ ହାତୀର ଶବବ୍ୟବଚ୍ଛେଦ ହେବାପରେ ମୃତ୍ୟୁର ପ୍ରକୃତ କାରଣ ଜଣାପଡ଼ିବ ବୋଲି କୁହାଯାଉଛି ।