ଟ୍ରେନ୍‌ ଧକ୍କାରେ ଦନ୍ତାହାତୀର ମୃତ୍ୟୁ

ଛେଣ୍ଡିପଦା : ଅନୁଗୁଳ ଜିଲ୍ଲା ଛେଣ୍ଡିପଦା-ଜରପଡ଼ା ରାସ୍ତାରେ ରେଳ ଓଭରବ୍ରିଜ୍‌ ନିକଟରେ ଏକ ଟ୍ରେନ୍‌ ଧକ୍କାରେ ଗୋଟିଏ ଦନ୍ତାହାତୀର ମୃତ୍ୟୁ ହୋଇଛି।

ସୂଚନା ଅନୁଯାୟୀ, ଗୁରୁବାର ରାତି ପ୍ରାୟ ସାଢ଼େ ୯ଟାବେଳେ ଏକ ଗୋଠଖଣ୍ଡିଆ ଦନ୍ତାହାତୀ ଜରପଡ଼ା ଷ୍ଟେସନ୍‌ଠାରୁ ୬୦୦ ମିଟର ଦୂର ଜେରେଙ୍ଗ ଗାଁ ସୀମାରେ ରେଳ ଲାଇନ ପାରି ହେଉଥିଲା। ଏହି ସମୟରେ ସମ୍ବଲପୁରଆଡକୁ ଯାଉଥିବା ଟ୍ରେନ୍‌ ଦନ୍ତାହାତୀକୁ ଧକ୍କା ଦେଇଥିଲା। ଫଳରେ ହାତୀଟି ମରିଯାଇଛି। ଏହି ହାତୀ ପରାଜଙ୍ଗଲରୁ ଦୁର୍ଗାପୁର ଆଡ଼କୁ ଆସୁଥିଲା। ଜରପଡ଼ା ରେଞ୍ଜର ମାଧବ ନାଏକ ଘଟଣାସ୍ଥଳରେ ସଦଳବଳ ପହଞ୍ଚି ଏ ସଂପର୍କରେ ତଦନ୍ତ ଚଳାଇଛନ୍ତି।