ଚିଲିକା: ଖୋର୍ଦ୍ଧା ଜିଲ୍ଲା ଭୁଷଣ୍ଡପୁର ନିକଟ କନ୍ତଳବାଇ ରେଳ ଫାଟକ ଅନତିଦୂରରେ ଏକ ହାତୀର ମୃତଦେହ ପଡ଼ିଥିବା ଜଣାଯାଇଛି। ଏହି ଘଟଣାରେ ଶନିବାର ରାତିରେ ମାଲବାହୀ ଟ୍ରେନ ଧକ୍କାରେ ଅନ୍ୟ ଏକ ଛୋଟ ହାତୀ ର ମୃତ୍ୟୁ ହୋଇଥିବା ଖବର ଆସିଛି। ଉକ୍ତ ଛୋଟ ହାତୀ ର ମୃତ ଦେହ ଠାବ ପାଇଁ ଟାଙ୍ଗୀ ବନବିଭାଗ ପକ୍ଷରୁ ଏକ ଟିମ୍ ସକାଳୁ ନିକଟସ୍ଥ ଉଗ୍ରତାରା ଡିପିଏଫ ଜଙ୍ଗଲକୁ ଯାଇ ତନାଘନା ଜାରି ରଖିଛି। ରେଳ ଲାଇନ ଉପରେ ହାତୀ ଅତିକ୍ରମ କରୁଥିବା ଅଞ୍ଚଳ ରେ ଟ୍ରେନ ଯାତାୟତ ବେଳେ ଏସ ଓ ପି ନମାନି ଟ୍ରେନ ଡ୍ରାଇଭର ବେପରୁଆ ମନୋଭାବ ଯୋଗୁଁ ଏହି ଅଘଟଣ ଘଟିଥିବା ସ୍ଥାନୀୟ ଲୋକମାନେ ଅଭିଯୋଗ କରିଛନ୍ତି।