ଦନ୍ତାର ଉତ୍ପାତ: ରାସ୍ତା ବନ୍ଦ କଲା, ବିଦ୍ୟାଳୟରେ ପଶିଲା

ଢେଙ୍କିକୋଟ: କେନ୍ଦୁଝର ଜିଲ୍ଲା ଢେଙ୍କିକୋଟ ବନ ବିଭାଗ ଇଲାକାରେ ଥିବା ଗୋଠ ଛଡା ଦନ୍ତାର ଉତ୍ପାତ ବଢ଼ିଚାଲିଛି। କେତେବେଳେ ଘର ଭାଙ୍ଗିଲାଣି ତ କେତେବେଳେ ବିଦ୍ୟାଳୟରେ ପଶିଲାଣି।

ଆଜି ତୋରାଣି ପୋଖରୀ ନିକଟରେ ଥିବା ଏହି ଦନ୍ତା ଟି ତୋରାଣିପୋଖରୀ ଉଚ୍ଚ ବିଦ୍ୟାଳୟକୁ ପଶି ଯାଇଥିଲା। ଲୋକେ ଘଉଡ଼ାଇବାରୁ ଦନ୍ତାଟି ପିପିଳିଆ ପାଟଣା ରାସ୍ତା ଉପରକୁ ଚାଲି ଆସିଥିଲା। ଭୟରେ ଗାଡ଼ି ଓ ବାଇକ ଚାଳକମାନେ ଛାନିଆ ହୋଇ ପଡ଼ିଥିଲେ। ଏହି ଦନ୍ତାଟି ଅମାନିଆ ହୋଇପଡିଥିବାରୁ ବନପାଳ ଚିତ୍ତରଞ୍ଜନ ପରିଡ଼ା ଓ ପାରା କର୍ମଚାରୀ ମାନେ ଏହା ଉପରେ ନଜର ରଖିଛନ୍ତି।