କେନ୍ଦୁଝର: କେନ୍ଦୁଝର ସଦର ରେଞ୍ଜ ପଳାଶପଙ୍ଗା ସେକ୍ସନ କମ୍ପଡିହି ବିଟ୍ ଅଧୀନ ଉପରକୁସୁମିତା ଗ୍ରାମରେ ହାତୀପଲ ପଶି ଘର ଭାଙ୍ଗିଛନ୍ତି। ଭଙ୍ଗା କାନ୍ଥ ତଳେ ଚାପି ହୋଇ ଆଈ-ନାତୁଣୀ ଆହତ ହୋଇଛନ୍ତି।

Advertisment

ଏକ ୨୬ଟିକିଆ ହାତୀପଲ ଖାଦ୍ୟ ଅନ୍ୱେଷଣରେ କୁସୁମିତା ଗ୍ରାମରେ ପ୍ରବେଶ କରିଥିଲେ। ସୁଶାନ୍ତ ମୁଣ୍ଡାଙ୍କ ଘର ନିକଟରେ ହାଣ୍ଡିଆ ବାସ୍ନା ପାଇ ଅଟକି ଯାଇଥିଲେ। ଏକ ଦନ୍ତାହାତୀ ଘର ଭାଙ୍ଗି ଦେଇଥିଲା। ଘରେ ଶୋଇଥିବା ରାଇମଣି ମୁଣ୍ଡା (୫୫) ଓ ୮ ମାସର ନାତୁଣୀ ମାଟିକାନ୍ଥ ତଳେ ଚାପି ହୋଇ ରହିଯାଇଥିଲେ।

ଗାଁ ଲୋକେ ହୋହଲ୍ଲା କରିବାରୁ ଦନ୍ତାଟି ଉକ୍ତ ସ୍ଥାନ ଛାଡ଼ି ପଳାଇଥିଲା। ଗ୍ରାମବାସୀ ତୁରନ୍ତ କାନ୍ଥ ତଳୁ ଆଈ-ନାତୁଣୀଙ୍କୁ ଉଦ୍ଧାର କରିଥିଲେ। ଖବର ପାଇ ବନ ବିଭାଗ କର୍ମଚାରୀ ଘଟଣାସ୍ଥଳ‌ରେ ପହଞ୍ଚି ଉଭୟଙ୍କୁ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଛନ୍ତି। ୨୬ ଟିକିଆ ହାତୀପଲ ଦୁଇଦିନ ହେବ ରାଇକଳା ସଂରକ୍ଷିତ ଜଙ୍ଗଲରୁ ନୟାଗଡ଼ ସଂରକ୍ଷିତ ଜଙ୍ଗଲକୁ ଆସିଛନ୍ତି। ଜଙ୍ଗଲ ନିକଟବର୍ତ୍ତୀ କୁସୁମିତା ଓ ଅନ୍ୟ ଗ୍ରାମରେ ପଶି ବ୍ୟାପକ କ୍ଷୟକ୍ଷତି କରୁଛନ୍ତି।