ପାଟଣା ରେଞ୍ଜରେ ୨୬ ହାତୀ, ନଷ୍ଟ କରୁଛନ୍ତି ବିଲରେ ଥିବା ପାଚିଲା ଧାନ

ପାଟଣା : କେନ୍ଦୁଝର ଜିଲ୍ଲା ପାଟଣା ରେଞ୍ଜରେ ୨୬ ଟିକିଆ ହାତୀପଲ ଡେରା ପକାଇଛନ୍ତି। ଏହି ରେଞ୍ଜ ଅନ୍ତର୍ଗତ ଗୋହିରା, କଟୁପଡ଼ା, ବଡ଼ପଶି, କୁଡ଼ାବେଡ଼ା, ଖଡ଼ିକାପଦା, ଜୟପୁର ଅଞ୍ଚଳରେ ମୟୂରଭଞ୍ଜ ଜିଲ୍ଲାରୁ ଆସିଥିବା ୨୬ଟି ହାତୀ ଘୂରି ବୁଲୁଛନ୍ତି। ବିଲରେ ଥିବା ପାଚିଲା ଧାନ ଏବଂ ଖଳାରେ ଥିବା ଅମଳ ଧାନକୁ ଖାଇ ନଷ୍ଟ କରୁଛନ୍ତି। ହାତୀପଲ ଜୟପୁର ଗ୍ରାମର ସାଧୁ ମାଝୀଙ୍କ ଏକ ଅଜବେଷ୍ଟସ ଘର ମଧ୍ୟ ଭାଙ୍ଗି ଦେଇଥିବା ଜଣାପଡ଼ିଛି।

ଏହି ପଲରେ ୧୪ଟି ମାଈହାତୀ, ୪ଟି ଦନ୍ତା, ୭ଟି ଛୁଆହାତୀ ଥିବା ବନ ବିଭାଗ ପକ୍ଷରୁ କୁହାଯାଇଛି। ପାଟଣା ରେଞ୍ଜର ଟିକେଶ୍ୱର ମହାନ୍ତ, ବନପାଳ ସନାତନ ମିଶ୍ର ଓ ବନ ବିଭାଗ କର୍ମଚାରୀ ହାତୀପଲଙ୍କ ଉପରେ ନଜର ରଖିଛନ୍ତି। ତୁରନ୍ତ କ୍ଷୟକ୍ଷତି ଆକଳନ କରି କ୍ଷତିପୂରଣ ଦେବା ଏବଂ ହାତୀପଲଙ୍କୁ ଅନ୍ୟତ୍ର ଘଉଡ଼ାଇବାକୁ ଅଞ୍ଚଳବାସୀ ଦାବି କରିଛନ୍ତି।